Pali sa e naoficijalna 10 divesenge informacie tar Roma Press save but paśe resarge dji amende, dji avdisitno dive na sine havlarde sebepeja te na bilaćingovel o tavdipe tar lav keripe maśkar i maškarutni siklana Šaip Jusuf, dis Skopje thaj i partija DSR.
Pal amare informacie kerlapes lafi so intezivno rodelapes o than sar direktorsko pozicija tar i maškarutni siklana,,Śaip Jusuf” tar i partija DSR thaj kaske si dendo lafi te ovel olen olengoro pretstavniki ani akaja skola, maskar akaja pozicija baš o dsr neoficijalbo denapes panda duj uče pozicije akale partijake.
Kergapes komunikacija thaj dikhipe maškar o akanutno direktori Doan Sulejmanoski thaj o presidenti Śaban Saliu, prvično sine olen halovipe thaj akava kurko trubuja te oficijalizirinenle bezbolno so duje rigenge numa bezaheske na agorkerela agaar.
Baśh o kvaliteti thaj baro sukces savo kerga ole ano vakti sar Direktori o Sulejmanoski, našti ćhivelapes ko kantari avere đji akanutne romane politikane pozicijako, e faktija kerena lafi bash oleskoro profesionalizmo numa akana akate kerlapes lafi baš politićko želba.
Informativno o timi tar Roma Presa tar amare paše kontaktija vakerlapes o Doani te ovel hem smenimo tar akaja pozicija tar dis Skopje delapes oleske than thaj pozicija ani aver škola numa na romani, akate doperelapes o pučhipe ka trebel li amenge asavki avantura te muka amaro kadar te djal ani aver skola.
E pregovorija nane agorime thaj odoleske valani te pazina so objavinelapes ano socijalna mreže, sostar odoleja salde pobuter rumingovena e pozicie savenge kerlapes lafi ano akava momenti te šhaj arakelpes kompromis.
Roma Press ačhovela ko tek akale informacijaja numa nane te objavina špekulacie bi te oven proverime e informacie thaj e izvorija savendar avena dji amende o info.
Hazri kerga:Roma Press
