MISIJA

Soske si Formirime o ROMA PRESS

Penđarindor i sasti situacija e Romengi ani Makedonija thaj buvle ko sasto Sumnal, amen mangaja objektivnikane thaj ko vakti dejiba than e Romane problemenge sikhaavibnaja i čačhuni pozitivno thaj negativno rig(strana)e Romengi ani sasti lumja. Akava chachimos sine amenge sar pottik thaj mangin (šerutni čhipota) putribaske i media Roma Press, sostar e Romen sine asavko valjanibe(trubuipe).
Dikindoj i kali situacija baš o romano informiribe lingardo ani naobjektivno forma, naprofesionalno, pristrasno thaj but amatersko palpale sikavelapes o hali thaj đjivdipe e Romengoro ani Makedonija thaj ko sumnal nachachikane.

Amen manglem te kera diso nevo mashkar ko Romano informiribe numa na sar dji akana. E đi akanutne romane medija sakana ko anglalipa e putribaske tar medijako buthi kheripe kerena buti shukareste thaj astarenapes ko problemija e romenge šukar thaj zorale numa, na đala but vakti sigo preperela olengiri bukarni energija thaj but haricaja ko objektivno informiribe tar odova so upral olende sigo kernapes zorija te ulavgoven tar piri ureduvacko politika prekal ko odova so dikhene peseskkri licno satisfakcija(interes).

Tar adala sebepija i ponodorig achovela ano amende i saikerin (sostojba) e romengi ki rig(strana) garavde o chachipe thaj hor parumi ki phuv, thaj e roma palpale achovena ano poro pharo djivdipe khoni puterde te vakerel bash o hali e Romengoro ani sakoja them djivdipnaski. O Na penđariba tar i Romani sostojba majbut e naromane medie sikavena but bilačhe o prioritetija save trubuj te na oven pobut mashkar ko roma, tari javer rig, nae jekh romano mediumi savo kerla buti mujal(protiv) ko akala informacije thaj dezinformacije save pobut fori resarena upral amende ko roma.

SOSKE ROMA PRES?

Kupa(timi)tar o terne romane intelektualcija,žurnalistija,novinarija,web dizajnerija,tehnikake operatorija,kamermanija thaj avera save isiolen but baro beršengo buti keriba (iskustvo) ani akaja buti manglem barabar te kere diso nevo ko mediumsko buthi kheripe, ikheribnaja o neve tehnicka moznostija(internet)ki Makedonija thaj buvle te putrelpes o veb tv Roma Press mangipnaja te ova servis e Romane đihaneske,objektivno thaj čačikane te sikava o hasuno muj thaj djivdipe e Romengo ani Makedonija thaj buvle..

Ko panlo lafi akale kupaja taro terne intelektualcija angem amaro panlo lafi (decizija-solucija) ko sig vakti sar prioriteti te kera nevo veb.tv portali Roma Press savo ka ovel telal Birađaki organizacija,,Kham Sijan” thaj te sikavel sa odova so garavelapes phanle e Romane djivdipnaja. Timi taro profesionalcija,savo pali lende besela bute beršengo žurnalistikano buti keriba angem solucija te khera buti ano ObjektivnikanoNapristrasno thaj ko Vakti sakoja informacija te resarel đi tumende prekal www.romapress.mk.