Agorkerga duje divengo festivali ano Kumanovo, organizatorija akava berš e misafirenge tari Francija thaj Kipar save lele than ano festivali piravgelen ani vizita ko pobuter Romane atarija.
O starti e rakake bašalibnasko tavdinga tar 19:30 Roma Truba Fest 2019- ko ploštadi ko Kumanovo.
O Organizatori Rušit Šakir tano čalo tar sasti organizacija, thaj tar dende lafija e misafirengere save pere avibaja ikergepes ano poro lafi thaj sa odolestar o festivali baš 2019 berš nakhla ko naj učo nivelo.
O Samet Salievki denga poro lafi aso đi berše ka oven panda po but neve resaripa ano akava tradicionalno Romengoro festivali Truba Fest.
Hazri kerga: Roma Press – Nedmedin A.
