Akala dive aktuelno informacija rotirinela ano facebook thaj nekobor mesazoja bićalde đji ko inboh tar Roma Press te kera novinarsko rodlaripe pal so garavelapes o dejbe bare edukacijake titule prekal kartičke.
Akava fori laja salde o maj paluno primeri tar aktuelno dendi titula Doktor baš o Ibraim Đemaili dendo oleske tar Bajram Haliti sar šukar penđardo romano bute berśengo aktivisti.
Nane halovibnaske tar odova so ano palune vakti akava thaj avera instotutoja jali slicno formirinenapes ano kherutne adrese thaj reklamirinenapes telal fb mreze. Numa te šhaj te delpes edukacijaki titula manuseske,maj anglal adava instituto valani te oevele piri oficijalno akreditacija, odova isi jali na achola te rodlarelpes?
Te akava kerlapes salde te pherenpes đjikaske želbe thaj mangina tadani ok, vi odova akana dozvolinelapes jali mukelaoes ano akala socijalna mreze, numa kana ano asavke karticke dikhenapes kodija thaj isi olen logoja tar penđarde bare organizacie thaj fondacie sar ko primeri UNESCO,UNDP,ECOSOC thaj avera,tadani te ćače kerlapeske avantura o posledice verovatno djanena so nane te oven tikne (seriozno falsifikate baš kaske isile odgovornost).
Numa akate dopherenapes thaj avera informacie save resarena đji ko izvorija tar Roma Press, akaja forma akava kurko but aktuelizirinelapes thaj pal odova doperelapes o pućhipe smetinelali nekas baš akala resaripna sar romane internacionalna organizacie thaj aver, odoleja so bodrinela nekaske ano jakha tar akava instituto thaj lejba klientija ano pašipe akale institutoske thaj sanipe ano olengoro đjenipe, vi kala informacie si ćače ja palem na ka ačol ano ponodoripe te kerelpes vi olenge lafi?
Numa gndibnaske tano odova aso o dizajni tar asavke kartičke save tane kerde, isi olen baripe odoleja so čivena logoa tar but bare thaj pengarde organizacie, sikavibnaja so akava instituti della ole baro vazdipe maškar avera nacionalna ja internacionalna fondacie sikavibnaja pes sar seriozno instituto.
Numa sa akava upre vakerdo aćhovela prekal naoficijalna informacie lende, ikherde tar socijalna mreze, telal komentarija dizutnengere thaj aktivistija save dena poro gndipe baš akava resipe ko fb.
Roma Press- Fb.
