Tradicionalno sar sakova berś đjakerelapes o atraktivno Evropako bali savo kerlapes sakova berś telal organizacija tar partija Sojuzi e Romengoro ani Makedonija.
Sar soj penđardo telal i kampanja savi kerlapes ano socijalno mreža,đjanelapes so sakova berś panda ko vakti tar Presidenti e partijako Amdi Bajram (savo akana nane maśkar đjivde) e maj bare atrakcie kerlapes sine ano bali thaj palo adava kerlapes but lafi ano medie so sa kergapes ano 14 Januari dive e zabavako thaj bal e Romengoro ani Makedonija.
Akavada berś i tradicija na ćhinavgola odoleja so o akanutno Presidenti e partijako Sojuzi e Romengoro Gabriel Bajram akharela sa e Romen ani barabutni zabava savi ka ikergovel ano Aleksandar Palas ko 14 Januari, a baš o hośipe e rakako ka gilaven thaj ka bašalen e maj penđarutne muzikake čerenja sar soj i penđarutni grupa tar Molika,Slađa Alegro bend, Maśkar olende ka oven thaj amare Romane eminentna muzikake ćerenja o Đjemaili, Ahmet,Bernati,Tarkan,Đefrina,Ervin thaj panda but avera, aso i pratna muzikaki Gazoza bend.
Bah sastipe thaj te pakha so ka nakhel ani šukar organizacija.
Hazri kerga- Roma Press.
