Erati ano Hotel Holidein ikersalili Romano liderengo dikhipe telal o vas e Birađjakere organizacijako NRC. Sar so vakerla o Ašmet Elezovski akharde sar savore save thane kotor tar Politikano đjivdipe thaj odova bi dikhibnaja pozicija jali opozicija.
O Dikhibe legargape ano phanle vudara thaj trubuja te ovel sar jekh tar Historikano momento, thaj čhivipnaja sa e faktoja thaj argumentoja ani jek mesala odoleja te kerelpes lafi baš sasto ikheripe e Romengro ani Utarali Makedonija.
Ano akava akharipe avile e Romane partie ROM, PIR ,PDPR-Delčevo,DPR thaj politikane intelektualcoja- aktivistija, ano akharipe na avile o partie OPER, DSR, PCER aso o SRM denga baro ikheripe baš o khedipe numa našti avilo olengo Presidenti Amdi Bajram tar sastipaskere šartoja, sar politikane funkcie tar akarde sas vi o Ministeri bizo resori Muzafer B. Šerutno e komunako Šuto Orizari Kurto Duduš –numa o na avibe oleskoro sas argumentirime, odoleja so ano akava khedipe sas akarde Romane partie, aso o Kurto D. thano đjeno tar na Romani partija SDSM.
Tadani baš akava resipe dopherelapes o pučhipe kobor sijem čhale tar sa odova so resarela e Romane haleja ani Utarali Makedonija pe sa e niveloja. Ka ačhol panda lungo vakti puterde akala puchimos?
Ano phanle vudara tavdinga o dikhipe tar e avime presidentija, kergapes lafi ano pobuter umala thaj sa so resarela e Romensar, tavdindor tar olengi bilačo ekonomijako socijalnikano hali thaj đji ano politikako nivelo, diskriminacija, kergapes lafi thaj phanle baš strategija e Romengiri savate valani te delpes bari skocentracija ano olakoro realiziribe, bash o NATO thaj EU –Integracija
Pobuter dikhen video..
Hazri kerga:Roma Press
