Jekto fori barvale Kulturakere programaja nišankerelapes o dive e Siklanakoro,,Šaip Jusuf” telal vastakeribe taro vd.Directori Doan Sulejmanoski.
O naklo 2018 berš thaj o kuvibe taro 2019 berš ka ašovel savorenge ki gnd baši siklana ,,Šaip Jusuf ” save harne vakteske kerga bare rezultatija andre ki siklana te ovenola o naj šukar evropikane šartija siklojbaskere, thaj akanasaske legarela o jekta thana maškar o maj šukar kadrija siklojbaskere ki dis Skopje.
Legarela o anav Šaip Jusuf, jek taro Roma baro aktivisti ko vazdipe thaj ikeribe I Romani čhib thaj o hrtamibe, savo kuvela ki Istorija e Romane phirutnipaske ko Balkani thaj buvleder, savo sas o jekto Rom savo ikavga i Romani Gramatika thaj Alavari(recniko) siklojbaskoro ki Romani čhib, lila save ikavde but čirla numa panda ikerenapes e sikalutnenge ki programa siklojbaske.
Ko phare vaktija buti keribnaske, o Šaip Jusuf nakavga poro đjivdipe ko hramibe thaj arakibe i Romani hramin thaj čhib, Kultura, Tradicija thaj o Hadetija save amen panda ikerajalen , Odoleske akaja Maškarutni siklana, baši oleskkro sajdipe piravela o anav Šaip Jusuf.
I sasti programa thaj nišankeribe tavdela sasto kurko, thaj odova tajsuno dive ka ovel o startuiba o baro dive e siklanakoro kulturakere programaja thaj, ka ikergovel đji ko dujto di e neve kurkeske 29.01.2019 berš, akarde sijen savore te len than ko sa o ničalipe, save bare buvle programaja o vastakeribe e Direktoresko Doan Sulejman thaj o bukarne tari Maškarutni siklana ka den pestar sa te ačaven tumari sama. E saste programake Medijako učharipe ka preperel ko vasta taro vebtv-portal Roma Press.
Hazri kerga: Neđmedin A.-Roma Press
