Pendžarde si informacija aso o PCER pobaro vakti palalso isi olen nahaljovipa taro duj strue (strane) riga. Jekh si o lideri taro PCER thaj aktuelno deputati Samka I. Aso i aver rig o aktuleno ministeri bizo resori ki rađji Makedonijaki Aksel A.
Numa ko akava na halovipe sakoja rig isi thaj lengere manuša tari strana ja ikerena e lidere, aso dujto strana ikerena e ministere, numa ko akava na halovipe dočivelapes o pučhipe kas ka ovel o maj baro benefiti taro akava olengoro na halovipe, thaj so ka našavel o Romano đihani ki Makedonija, te čačibnaske e asavke špekulacije ovena nekana čačune.
Numa oficijalno palal nekobor vakti đji amende ko Roma Press sas vakerdo, taro korkoro deputato o Ibraimovski so phravde rodingja taro Premieri Zaev te kerel trampa e Akseleske thaj te anavkerel avere manuše taro PCER ko than sar ministeri numa, nukana na sas vakerdo amenge so isi šajdimos odoja trampa te ovel maškar o deputati Samka I,thaj o Aksel A.
Numa o Aksel A. Piro vahtavi vakerga ole prekal jek portali, bašh piri buti thaj aktivitetija save vov kerelalen preka o kabineti thaj oficijalno dokumento Strategija e Romengiri tari Makedonija, thaj vov si ministeri na salde e partijakere vastakeribaske numa sahne đihaneske ki Makedonija.
Buteder vakti špekulirinelapes sas anavensar baši akava than, numa oficijlalno nikana na sas vakerdo o čačuno anav pali kaste bešela o PCER thaj o deputati Samka I. Na oficijalno sas vakerde pobuter anava sar špekulacie, numa jek đjanelapes so sas vakerdo taro deputati Samka Ibraimovski, O kandidati baši akaja pozicija valanutne si te ovel tari dis Skopje.
Numa ko avdisutno telefonsko lafi keripe e deputateja Samka I, vakerga baši o than ka iranelpes li vov sar ministeri ki rađji,vakerela amenge kodo si hohavni informacija me acovava sar Deputati ko Makedonijako Khedipe, aso nevo đjeno thaj ministeri ka ovel anavkerdo ki akaja poyicija, thaj baši odova o tikno presedatelstvo tari partija akava kurko diklem amen ki dis Kicevo thaj angem i solucija neve personeske savo ka ovel ministeri ki aktuelni rađji Makedonijaki.
Aso o vahtavi e akanutne ministeresko Aksel A. Mangava salde te vakerav, ole na angale ki adaja pozicija o medija ja palem o portalija, aso maj hari o Facebook, ov valani man te rodel thaj mansar te mangel te dikelpes, aso na prekal o medije te kerel kontaklto mansar, o rajo Aksel đji akana man nikana na rodinga thaj na alo te bešelpes thaj te kerelpes lafi, informiringa amen pali telefonsko raporti o deputati Samka Ibraimovski.
