Bašho mudaripa e bugarsko žurnalistkake Viktoria Marinova, šubikerdo thaj astardo si o Severin Krasimirov (21) so si Rom dizutno an i Romani mahala ko Ruse.
Pali havljarin akale informaciake taro mediumia baro numero bugarsko motordžie nacionalistikane orientirime gele ki Romani mahala thaj palo odova fizički kergje atako nekobor terne romane čhavenge.
O motivo mudaripaske panda nane pendžardo, thaj o sasto akava vakti šaj te ovel montirime tari rig e bugarsko legaripa thaj montirime kaj odova kergja o Krasimirov.
Ačhola akana savi decizia ka anel o Kriso baši ekstradicia tari Germania so dengjale akana 40 divesengoro pritvor .
O šubikerdo Krasimirov si upral o fakti tari DNK analiza ko than mudaripaske.
E Kriseskoro legaripa kerel akti akale procesoske thaj si hazri decizia phanlipa taro 30 berša bašo Krasimirov.
