Avdive Savato realiziringapes akcija bash dujraribe e bare thaj kabasta deponie save trubuja e Roma te anen olen ano trin lokacie save angleder jekh jurko sas havlardo dji ko dizutne. Adaja komunalno akcija legardi maškar sa e šerutne thar diz Skopje, maškar kolende lela than vi i komuna Šuto Orizari, savi kerla o jekhajek aktiviviteti. Numa sar ka nakhel ka đjakera ko avdisutno dive.
Sostar pali avdisutno dive ako khoni pal jek dive čhudena asavke kabasta deponie kote ka ovel olenge maj lokhe tadani i komuna ka khuvel olen lovenge đezaja.
Numa maškar adava aktiviteti, i Komuna nekobor fori kherela o avdisutno aktiviteti anibaja baro pani kamioneja thaj čistinenapes e šerutne droma, avdive sijem viktimija te dikha sar čistingapes o drom Indira Gandi, save dromeske thaj tavdela oleskiri rekonstukcija.
Kana pučlem soj o sebepi e čistibaske o drom, informieinge amen, akava si redovnikani buti e komunakiri ko barabutnipe e pretpijatijaja Komunalna higiena, thaj o sebepi kheraja o aktiviteti te dujrara so pobuter o melalipe ani havaj savo sako dive dišhinaja, thaj maj but te sikavamen šukar domakinija akana ked isi amen misafirija Roma thar i Evropa save avena ano odmor ko pere khera thaj dikhibe pere paše familijaja, informirinena amen thar i komuna Šuto Orizari đji i informativno redakcija thar Roma Press.
Hazri kerga: Roma Press
