Sajdime drabarutne tar Islamsko pakhavibe, mangaja harne te vakera tumenge baš o avdisuno dive savo čhalipe thaj baripe isile ano Islam.
Maškar ko vrjama(vremija) kolen o Allah đ.š. ulavela(odlikuval)javerendar thane 4 čhona thaj odova: Ređjeb,Šaban,Ramazan thaj o Muharem.
Akala štar čhona ko Islami isiolen baro molipe(vrednost). Ano olende arakljovena thaj štar mubareko rakha, thaj 1 mubareko dive,adala thane: Lejletul Regaib, Lejletul Berat, Lejletul Miradz, Lejletul Kadr thaj Jeumi Ašura.
Avdisuno dive thano jek tar ulavde mubarek dive anavkerdo Lejletul Regaib, dive kana isile baro čhalipe thaj baripe ano Islam thaj šukar o tajsuno dive odola muslimanija save so šaj te postinen ole thaj so pobut te oven ano thindal e Allaheske.
E Allaheskere Evlije k.s.(prijatelja) vakerena baš e asavke rakhja – ilači baš nasvalo vilo(srce) ja palem ano jek- Sar soj o pani ilači e šuke phuvjake.
Ko jek hadisi o Muhamed a.s. vakerela: “O ČHON REĐEB TANO E ALLAHESKORO CHON, O ČHON ŠABAN TANO MIRO ČHON , O ČHON RAMAZAN TANO CHON E UMMETESKORO (đijaneskoro-narodoskoro). O Muhammed s.a.v.s. denga baro aglesam(prednos) akale chonenge, thaj vakerga ci o Ređeb thaj o Šaban tane vakti baš te hazrkera (pripremina) amaro vilo, ruhi thaj o a’kli (razum) te mištonel (te iskoristina) baro rahmeti thaj bereketi.
I avdisuni rakh tani mubareko Lejletul Regaib -Rakh e manginengiri thaj preperela ano dive 27 fevruari.
Šukar e muslimanija so pobuter te araklagoven ani thindal e Allaheske ko pumare dobrovolna ibadetija nek keren pere panđ vaktengere namazija, nafile namazija, tezbih, zikr, te drabarelpes o Kur’ani, te anlarenpes salavatija, te peren ano tevbe baš o đjanle thaj bi đjanle gunahija thaj so pobut te peren ani seđda thaj te molinen tumare Devle- Allahe.
Ko akava dive thar rakh LEJLETUL REGAIB: šukar ka ovel ano tumare dove te vakeren vi akaja dova savi irami tani ki amari dajaki čhib Romani.. “ALLAHU MRO -KERAMENGE BEREKETLIJE O REĐEB THAJ O ŠABAN, THAJ DEAMEN TAKATI TE UĐARA LOKHE O RAMAZANI”.
Akaja tani i dova so praktikuini sine o Muhamed s.a.v.s. Kheren akaja dova sakova dive, đi ko Ramazani thaj inšaallah o Allah kabuli te kerelamenge, tumenge thaj savorenge amare ibadetja (thindal) RAbbil Alemineske – Amin.
Roma Press – panlo info baš o Islamska pakavutne
