Harno istorijati soske si formirime o Roma Press!
Penđarindor i sasti situacija e Romengi ani Makedonija thaj buvle ko sasto Sumnal, aso objektivnikane dejbe vakti thaj than e Romane problemenge ko sijkaviba i čačhuni pozitivno thaj negativno rig e Romengi ki sasti lumja sine amenge sar pottik thaj mangin (šerutni čhipota) putribaske i media Roma Press sostar e Romen sine asavko valanibe. Dikindoj i kali situacija baši romano informiribe kote ani naobjektivno forma, naprofesionalno, pristrasno thaj but amatersko sikavelape o hali thaj sasto đjivdipe e Romengoro ani Makedonija thaj ko Sumnal.
SOSKE ROMA PRES?
Kupa taro terne Romane intelektualcija, žurnalistija novinarija, web dizajnerija, tehničarija savo so isilen but baro beršengo buti keriba ( iskustvo) ki piri buti manglem te kere diso nevo ko mediumsko internet ani Makedonija, sa mangipnaja te ova servis e Romane đihaneske thaj čačikane te sikava sa e resarina e Romane haleja ani Makedonija.
Ko panlo lafi akale kupaja taro terne intelektualcija angem amaro panlo lafi decizija-solucija, ko sig vakti sar prioriteti te kera nevo vebtv portal savo ka ovel telal Birađaki organizacija Kham Sijan-Skopje anavkerdi medija sar ROMA PRESS. Timi taro profesionalcija, savo pali lende besela bute beršengo žurnalistikano buti keriba angem solucija te khera buti ano Objektivnikano, Napristrasno thaj ko Vakti sakoja informacija te resarel đi tumende prekal o romapress.mk.
Dikhen Video REKLAMA
