Avdive nane maśkar e đjivde, Mulo jek tar maj purane Romane muzičarija thaj gilavutno tar po purano vakti Muzafer Ibrahim- Muzo.
Muzo bijando tano ano 16.01.1948, agorkerga sikhlovni thaj sine ole vonrednikane muzikani śkola, leskoro penđarutno instrumenti (đjimbiši). Na sine bijava thaj muzikakere nastanija savende vov na lela than thaj sakana gilavela sine purane romane gilja aso maśkar o pophurane Roma akharenale sine ano šukar momentoja te gilavel olenge o purane khorane gilja.
Penđarde anava tar leskere gilja maškar o Roma: Erati me naklum lakiri mahala, Azize, Baro bijav, Khedingepes esnafija, Ferihan mi mangli thaj panda but avera HITIJA tar adava vakti, lela than ano pobuter mizikane festivalija ani Makedonija thaj avrik olatar.
Oleskoro parunipe ka ovel avdive ano Skopjeskere limorija Butel. Redakcija Roma Press mangaja olenske šukar than ano Đenneti RIP – Muzafer Ibraim Muzo.
Hazri kerga: Roma Press
