Ano eratutne Lokalna Alosaribe nakhla jek tar maj turbulentno dive ani Komuna Śuto Orizari, ani dujto rota lele than e duj kandidatija baś śerutne o Kurto Duduś thaj o Ferat Asan.
Đjanidor o Kurto Duduś ano palune dakikoja denale poddrska i partija LDP thaj DOM salde te iklol kandidati đjanidor o Kuco so olen nanelen nisavo vlijani ani romani populacija.
Aso o Asan Ferat beśela pali leste Rađaki partija sa ple institucijencar pere sistemeja telal o vas tar sdsm barabar e komunake komiteteja, partnerija tar koalicija Romane partie SRM- Gabriel Bajram barabar pere đenencar save isilen politićko iskustvo kana kerlapes lafi bas kampanja, PCER,OPER,NPR thaj
pośukar vakerdo sar petka na glava ano lokalno nivo hem o DUI.
Kana ka ćhivelpes sa akava ano kantari kobor subjektija margepes mujal jekh kandidati tadani ani političko fela e pobare analitičarija ka vakeren asavke pobedake soj tani but bari savi naśti sporedinajala bi jekeske pobedaja savi đji akana lingargapes ano lokalno nivelo ani Komuna Śuto Orizari.
99,9% khedime tar ginjime rezultatoja.
Komuna Śuto Orizari ano lokalnikane alosaribe avazinge 8544 dizutne.
Kurto Duduś 4155 hangune.
Ferat Asan 3493 hangune.
Nevażećka 896.
Naśela pobuter tar o 662 hangoja(Ano khedime rezultatoja nane ćhivdo samo o phanlipe).
Odolestar akale pobedake vakerlapes so ani dujto rota prekal sa e pritisokoja so kergpes upral e Roma tar Śuto Orizari o butederipe olendar denge pumaro hango timeske save trubun te thavden pere proektencar save si počminde thaj sigo te dikelpes o śužipe tar infrastruktura e Romane Komunako.
Hazri kerga: Erđan M, Neđmedin A.
