Ana Snežana Abaz tar Skopje-Śuto Orizari penđardi ano socijalno mreže sar aktivistka ko vazdipe e đuvlengere hakaja numa thaj penđardi tani ani Švedska sar influeserka,kerela piri buti thaj arakela pere ćhavore bizo dat(samohrana majka)isile zarabotka hem ko tik tok,zaśtitno liko tar penđarde firme ani Švedska thaj so but importatno o kvalitetija thaj snaodlivost ano late tano ko baro ućo nivelo.
Ano lavkeripe olaja sar Roma Press puterga amenge pere maj neve idee save ka ikloven sar proektba aktivitetija odoleja so mangela tar kotor(del) pere lovendar save lela olen tar tik tok thaj avera izvorija te ulavelen pere narodoja baš socijanla ranliva ćhavoren saven ka del olen dumo ano pobuter umal,ano jek pere timeja piri humano akcija anavkerela diso sar,,Make up Over”diso so kamela ko poro način te iranel pere zaednicake.
Baśh o aktivitetetija save ka lingarel olen ani Makedonija sar timi tar i Ana ka preperen telal o vasta tar penđardo šoumeni Oki Berber.
Ponodorig i Ana informirinela amen o timi tano kerdo hazri numa thaj kerdi tani hem i avgo lista kaste maj anglal valani te delpes dumo,numa maśkar o humano dejbe dumo ka kerel jek aktiviteti e Romane đjuvlenge ja palem romna save tane bizo roma te kerelpes olenge tretmani baš śużaripe odoleja te iranelpes i samodoverba ki olende sostar e đuvlen valani te ovelen posebno nega baš olengoro djuvlano bedeni(telo),vakerela i Ana baś Roma Press.
Sa e kompletna tretmanija so preperena ko anibe jeke đuvla ano kompletno uredimi thaj śuži đuvli o finansisko kotor ka pukinel olen i Ana tar pere love.
Akava ka ovel avgo(prvo)fori maškar e Roma te realizirinelpes asavki humano akcija tar amari Romani ćhaj koja zarabotinela ani Švedska a del tar pere love kamela te iranel olen pere narodoske.
Baš akava sebepi i amen daja ola dumo sar Romani media baš realizacija peseskere ideenge thaj akatar akharaja e Romen save ka oven olen asavke đuvla, jali uspeśna ćhavore save nanelen finansisko dumo te keren sigo kontakto e Anaja thaj olakere timeja prekal socijalna mreže te śhaj te ćhiven e manuśen ano olengiri prioritetno lista.
Bravo👏 thaj sukces ani tumari buti tar Timi Roma Press.
