Adava so anglo o jakha tar timi Roma Press savo dikhela ano sakova kurko so sa havlarelapes prekal o profili e Šerutnesko Kurto Duduś- Kuco thaj i buti savi kerlapes ano akala phare momentija kana sasto Sumnal astardo si e pandemijaja Kovid 19 sa e komentarija đjana salde ko pozitivno čane baś i buti e Komunaki.
Numa sar so vakerlapes đji kaj avera havkinena pali i buti e Komunaki, aso o elani ka vakere sar pobut thaj pobut bajrovela tar bukarne e Komunake, akava kurko prezentirinaja tumenge odova so dikhelapes ano amare jakha: Sakova divesesko spravibe Kovideja ko Šuto Orizari, dejbe dumo e nasvalen, putribe o centro baś Kovid ani ambolanta Šuto Orizari, bare tempoja hazri keribe o dujto kotor e gradinkako, čistibe e droma tar deponie savende naśti pobuter dikhenapes, lačharibe droma thaj svetlo ano thana savende đjivdinena ppbaro broj albanikabo đihani, sa e droma osvetlime so led svetlo, kernapes hazri te thavdelpes realiziribnaja rekonstrukcija bare dromenge thaj panda aver so amen sar redakcija śhaj hem na dikaja.
Kana sa akana ka dikelpes tadani doćivelapes o pučhipe korektno li maškar ko adava so anglunendar vastalune tar Komuna našti diklem asavko diso akana te havkina jali sa adava so kerlapes ko śukar, amen te vakera nane šukar.
Oja anglo amare jaka isi panda but droma save tane but bilače thaj trubul te kerenpes, numa kana pučaja e Šerutne Kurto Duduš na vakerela NA, Numa vakerla sakana amenge, Isi amen panda but buti savi trubul te anlara o Šuto Orizari čačikane jek sa e averencar jali te ovel i maj śuzi thaj šukar strukturaja sar jekh Romani Komuna Śuto Orizari, savate djivdinena Albancoja, Makedoncoja, Bošnakoja thaj avera..
Odoleske savorendar rodava vas, savore trubul te denman dumo te šhaj panda pobuter rezultatija te ana ko Šuto Orozari, vakerla baš o Roma Press Kurto Duduš.
Hazri kerga: Neđmedin A.- Roma Press
