Avdive na mangli bi bah resardili ano drom Čegevara ani komuna Šuto Orizari tar kabeli elektrikano savo legarela alektrika đji o pašutne khera tar akava drom.
Amare timeske akale dromeskere problenoja thaj bandere tar elektrikani mreza tano but čirlutno problemi thajbut phareste arakhlapes olenge solucija tar kaśtjale bandere te tamirinen olenge nevutne barjale bandere save prekal olende resarena o kabelija tar elektrika đi e dizutne tar akava drom.
E Roma na mangle te keren lafi angli amari kamera salde naoficijalno vakerge kaj hem but po anglal dena sas info đji o EVN baš akava kabeli so disve dive ka čhudel disave elektrikani iskra taro jekajek kabelija save avdive astardile jagalipnaja, numa khoni na lela akava problemi sar seriozno.
Avdive ano vakti e dizutne irange ano telefoni đi mujal jagalipnasko timi thaj EVN numa fuhalibnaske sar so vakerena e dizutne na resle ano vakti, o timi reslile kana i jag taro tardo kabeli ačhilo..
Dikhen o teluno linko tar o video..
Hazri kerga:Nedmedin A- Roma Press
