O Komesaro baši protektiva thaj nadiskriminacia Brankica Janković sikavgja piro vakerkeripe kote akcentirinela kaj o magazino ki Ungarsko čhib ,,Het Nap,, phaglja o Kanoni baši diskriminacia ko jekh piro teksti so diskriminiringja e Romen .
O problematično teksti sine editirime an o 10 juni akava berš thaj pali zorali kritika taro Biathinalo khedipe e žurnalistengoro tari Vojvodina, ko avutno piro editiriba o Magazini Het Nap bičhavgja jertisripa – izvinenje tari rig e šerutne redakotorestar o Viktor Tomek thaj o autori e teksteske i Elvira Renčenji.
Ko teskti maškar o aver sine akcentirime kaj grupa čhave thaj terne tari Subotica frden sine jarencar premal phureder manuša thaj čorena len sine. Ko problematično teskto akcentirime si kaj protagonistija si terne Roma thaj dopherdo ko teksti notirinel ” odova si normalno olende”.
Ko jekh ola istemalkergje i terminologia sar so si “cigani” thaj ” roma čora” thaj notiringje ” O Roma odola kale so majpakjavutne aven taro Kosovo thaj dživdinen taro ,, socialno”.
E Romenge hramosargjapes ko jekh kaj si ” Parazitoa ko amaro dumo”.
