E dizutne paše duj kurke araklagovena bare problemoja odoleja so trubul maj hari 2 km te phiren te šhaj resarena ano pumare khera savende đjivdinena.
Ano lavkeriba kotor tar diyutne vakerena akavaj amenge haosi, odoleja so o numero tar busi 19 mukhela amen duj km. po tele paše e atareja Topansko Pole, Aso salde o numero 20 na nakhela tar trafike e komunake Šuto Orizari numa khuvela tar Butel thaj resarela đji ani paluni trafika.
E Roma si fuhalime thaj vakerela khoni na dikhela akava problem sar te nakhavelpes, sar amen te resara đji ano amare khera, vakerdilopes 30 dive ka ovel lačhardi cello drom Indira Gandi numa, amen sar so dikhaja sar đjana e buka akava drom isi šajipa te agorkerel paše e jevendeja.
O timi tar Roma Pres irangem ano telefonsko lav keribe đji o dispečersko kotor tar dis Skopje , thaj von vakerge amenge akaja ruta nakhibaske andi thani decizija tar soobrakaesko timi thaj odova agaar ka ovel sa đji kaj lačharenapes e droma.
Baš sakova tumaro načalipe tar dromakeripe e busengoro daja tumen numerija kaste šaj vi tumen sar dizutne te informirinen tumen 071 381 147
Hazri kerga: Roma Press
