Erati pali ekvaśi rak ani Komuna Butel ko but pašipe e bazenteske Bon Bon – Śuto Orizari, ano puterdo placi saveste parkirinenapes kamionija thaj vordona, śundili bari jagalipnadki eksplozija thaj kergapes baro jagalipe, vakerlapes so si jagalipnaja astarde śtar śleperija volvo, aso śhaj sine o jagalipe panda te ovel po baro odoleja so ano olengo pašipe sasa panda avera kamionija, numa ko vakti kerga intervencija e mujal jagalipbaski služba.
Tar śundi eksplozija thaj i bari ćhingar ćivga dar vi e dizutnenge tar Komuna Śuto Orizari savatar śundilo baro takati tar eksplozija thaj dikhlo baro jagalipe, o timi tar Roma Press sigo sine ko tan e jagalipnaske thaj erati ano 12:55 sas bičaldo video mesažo đji amare dikutne.
Sostar resargapes o jagalipe panda na đjanelapes o sebepi (prićina), policijake bukarne sigo araklisalile ano tereni thaj barabar i mujal jagalipnaski sluzbaja(požarna) kerge arakhipe e thaneske thaj ćinavipe o jagalipe.
Интервенција на паркинг за камиони во населбата Бутел. Запалени 4 товарни возила марка ’волво‘. Брза и навремена интервенција спречи палење на повеќе паркирани камиони и приколки“, известија од скопската пожарна.
Dikhen video..
https://m.facebook.com/story.php?story_fbid=605241103686340&id=100026013663031
Hazri kerga: Neđmedin A.-Roma Press
