Ano socijalna mreže, erati tar kušluko taj paše đji ekvaši i rak sine aktuelno maškar e Romani populacija thaj Aškalie tar nekobor na oficijalna veryie baš o penđarutno gilavutno Muharem Ameti.
Jek tar informacie save tavdinge tar 21:00 o ari vakernapes sas baš o Muharem Ameti thano mulo thaj tadani tavdinga o haosi ano socijalna mreže, disave muyičarija thaj gilavutne tavdinge pere livensar ano fb, te anen leske dove baš olesko meribe thaj panda but avera komentarija.
Aso pal o ikerdo live tar gilavutno Čita sikavga jek but baro fuhalimo moneti savo sasto live ikherelale sas pere čhaveja, thaj sasto live sa ano rojibe thaj molinela sas savoren te den olen sasti informacija tar akaja informacija si čačipe jali na.
Numa kana o live barilo đji 7 milja manuša te dikhen ole tadani resla i informacija đji e Ametesko menađeri savo sas oleja direktno ano hospitali ani Albanija thaj vov ano live oficijalno vakerga aso akaja informacija so nane čačuni o Muharem Ameti nane mulo numa sas ole ilesko Infarkt thaj araklagovela ano aparatija ileske ano hospitali ani Albanija.
Tadani o Čita gilavutno hošime savorensar ulavga informacija vakeribnaja gilavutno Muharem ameti nane mulo, thaj savore te keren leske dove so posig te iranelpes ano poro takati e đjivdipnasko thaj te ovel amen šajipa te šuna pal pale oleske gilja.
Ano o live e Čitasko kamerake lav keribnaja iklime sas vo i Gilavutne o Đemaili, Julija o Babuš thaj panda avera save rodinge tar dizutne te oven smirime thaj te vakeren olenge baš o Muharem Ameti nane mulo.
Timi Roma Press mangaja olesko lokho saslovibe thaj iranipe pal pale ani muzikani scena
Linko tar gilavipe e Muharem Ametesko
Hazri kerga: Roma Press
