I media Roma Press, thaj lakere ako diveskere amala pali kerdi đjivdibnaskiri ,,Storija” baši o Samir Halim, dizutno tari komuna Šuto Orizari, čavoro jetimi savo bajrovela bizi Daj thaj bizo Dat, tano 100 procentija hendikep ko jakha thaj na dikhela, tavdela i Humanitarno akcija i ponodorig.
Sa e dizutne taro Skopje thaj ki evropa save sledinena o informiribe taro Roma Press, svako dive bajrovela i mangin te den arka akale čavoreske Samir Halim savi leske tani but importatno.
Avdive sas realizirime i Humanitarno akcija legardi taro Roma Press thaj lakere maj pašutne, kinde sas o Plocke, lepako thaj sa odova so đjala baši lačharibe leskoro than jali kher đivdipaskoro.
Akava si but hari so šaj te keren manuša kana isilen jek Mangin, tumen save ka diken akava artiklo šaj te keren i pobuter amendar, odoleja so o valanibe taro asavke buka e Samireske nikana nane agor jali dosta.
Ki avdisutni Humanitarno akcija legardi taro Roma Press, sas thaj prestavniko taro Studio Elite save ola denge kubmetija, numa ko amaro rodipe e Samireske sas ando takaribasko elementi savo ka ovel po lokhe leske, soske vov na dikhela, Aso akava takaribaski elemnti ka takarel oleskkri soba taro 15 kvadratija.
Ko teluno linko diken o avdisutno kerdo Video..
Hazri Kerga Neđmedin Abdula – Roma Press
