I Kupatni Topaana koja so arakhlovela ki komuna Čair veke deceniencar napalal arakhlovela ko jek deponijakoro hausi. Sekova dive akava than ličinela sar jek tikni drisla kote so khedenape o deponije tari sasti diz.
Ko salde akava tikno than kedenape o bare gunoja tari kupatni Topaana kola so o Romano đijani frdelalen.
Sekova kurko o Javno Pretprijatije Komunalna Higiena avena te kheden o gunoja numa odova nane ničhale (diveseski buti) ki te šhaj te vazdelpe i gnd e Romengiri te na čhuden pobuter akate pire gunoja.
Ki sasti katastrofa, ko šartija ( uslovija)kana i komuna Čair si jek taro o glavno žaristija e Korona viruseskere ki diz Skopje, i korkori komuna kerela hem hari zorija te šhaj akaja deponija akatar te cidelpe bašho sakana.
Odova sebepi terne Romane aktivistija akharena ki arka e Romane birađakere organizacijen thaj dizutnikane amalipnen te len o bukja ko pire vasta.
Rodena: Telal ko hem sig vakti thaj šartija te dikhenpe e vaslegarutnencar tari komuna Čair te šhaj akava than te prekerelpe ko than bešhibaske e đzijaneske. Te čhivenpe klupe thaj te ogradinelpe o than thaj agar te cidelpe bašho sakana akaja deponija.
AVAJA, SUMNAL, MIR, IRHOM THAJ JAVERA I TOPAANA ADZIKERELA TUMARI ARKA SAR SO TUMEN BERSHENCAR DZIVDINENA TARI LAKIRI ARKA .
Hazri kerga: Erđan M.- Roma Press
