Sevgul A. – Happy Birthday-Skopje?

456

Aktuelno akava kurko o dive (sabota) bare želbaja đjakerelapes, nane nevo berś ama nane ni bajrami numa špekulirinelapes baśh zaednićko kandidati bash Gradonacalnik ko Skopje maśkar DUI-SDSM.
Kerelapes li lafi baśhi kandidati Albanco Gradonaćalniko baśh I dis Skopje panda na đjanelapes oficijalno( Aso ki politika vakerlapes so isi thaj Proben Balon)ka šhuna dji tajsa ma sigaren sostar panda kerelapes I torta tumen nesar but sig alen ki dekoracija šhunen hari e Premiere Zoran Zaev savo vakerela ma ćhiven akana tumen tumendar ani dekoracija creśe ili ślago soske nane panda gotovo I torta pekhelapes?
Lideri tar DUI Ali Ahmeti vakerga baśh tajsa(sabota) ka ovele śukar BAHTALO haberi numa śhaj palem kerlapes lafi baśh o bijando dive tar DUI so astargen tumen odma ki torta sakova berś o DUI kinela peske gotovo kherdi torta(peras-ama isi hem ćaćhipe).

O Premieri Zaev tano sukar iskusno politicari thaj vov djanela sostar astargapes sigo ani dekoracija e tortake, numa pal sa akava e avera tikore zaednice valani te len but bari pouka?

Numa pali sa odova so resarava ano informacie kerlapes lafi baśh jek śukar nevipa savi ujdinela ko 21 zamani (veko) thaj odova isi śhajipe tar zaednićko lafi maśkar duj koaliciono partnerija aso akana baś avera potikore partie olen isiolen aver poglavno buti neko ka valani te maren pe vasta(aplauz)odoja da vazno buthi, e akavada normalno ko 21 veko.
Galiba kuvinelapes diso nevo ja palem sar so śpekulirinelapes zaednićko kandidati tar koalicija baśh I dis Skopje DUI thaj SDSM ama ma bistren o lafi  tar  e  ribarija ,,frli  ribće pa fati krapće”. Premieri Zaev decidno ano akava pravco na mangela te śpekulirinel niśto vakerela valani te uđara.

Kana sijem ani dis Skopje generalno sa e Romane mahala na dikhle disavo baro hajiri tar Aktuelno Gradonacalniko Šilegov sostar savore dikhlem ole anglal o 4 berś ko vakti tar o alosaribe(izborija) thaj ake akana dujto puti śhaj ka diken ole palo 4 bers khed nakhela oleskoro mandati, pusto amende agaar đana o bukija soske zafatime sine thaj na sinele vreme te khuvel ko Romane mahale te dikhel save problemencar arakenapes, so falinela olende. Posebno bash Śuto Orizari ma te rovamen grevo DEVLESTAR kotar so kerga sa o ulice(droma) pali odova resla đi o kašta ko plośtad ko centar (vrednost paśe 200 den) trošinga o buđeti e Skopjeskoro, isto bare glavna ulice naznacingalen Romane anavencar (trotoarija ili sokakija sine adala mange nepoznata verunava hem e Romenge). Isto ake ka bistrav sine o najvažno proekti e dizjako Skopje kerelapes lafi baś glavno ulica neli vakerga  ko etape ka zavrśinelpes ake gotovo tani ILI? gakiba panda o kandalabre(svetlo) te čhivenpes I KRAJ. Palo sa akava palem  ka roden glaso tar Roma bre,bre,bre.. amare phure vakerena  jek penđardo lafi  galiba but ko pravo tane ,,LELE AMA PEKE MOSKORO SIJAN”.

Iranavaman hari ko adava so vakerena e glavna koaliciono partnerija SDSM –DUI, Premieri Zaev pere staveja ma te sigara te uđara hem bizo špekuliriba PEKHI AFERIM, O Ahmeti vakerela na iznenadinela khanči akaja informacija sostar sakova berś ano rodendenija kherena amenge po jek HAPPY pa odolestar nane ni čudno 5 -Juni te vakerel baśh e neve dizjakere alosaribe(izbori) ki dis Skopje ka ovel olen zaednićko koaliciono kandidati baš Gradonačalniko Albanco, iii pa so? Ani sakoja normalno them e koaliciono partnerija vakerena pere kandidaten nisto čudno, numa amenge sa čudno ani amari,,Cudesna Makedonija”sostar amen araklagovaja ani Politicko Histerija.

E akana iranaja amende ko Roma mislinava khi (glasačko mašinerija), Kana kerava lafi odvinava gndipe(mislibe) bute Romencar vakerena e dobro–SO DIKHLEM HAJIRI TARO ĐI AKANUTNO GRADONACALNIKO(Śilegov)?. Man lićno personalno ako pučena čačibnaske NIŚTO..Numa isi jek fenomeni amende ko roma sar zaednica  sekogas ama baš sekogaś amenge tano but pobitno o personi koj ka ovel gradonaćalniko ki dis Skopje isto hem ko lokalno nivo ama but hari mislinaja o filan personi so śhaj kerela amenge dali śhaj reśhinela amare deceniska problemija, kapacitetija, možnostija, đandipe( privat hem profesionalno), kontaktoja, bi manipuliribe,pośteno te mangel e Romen. E sa akava maniri tar amaro enomeni kana promenina anglal te hovaven amen ili  manipulirinen amen bash o romano glaso tadani ka čhiva o kraj pobut te na dikhen amen  sar bezvredno krpa ko opstestvo ili predmeti baśh o jekh upotreba  (samo izborenge) ,,Ćhiven kraj thaj sikhloven tar avera zaednice”.

Ko kraj manglum te ulavav tumencar akava na valani te ovel amenge bitno i torta koj kherella ola thaj khed ka pekhol ja palem koj ka čhivel olake i dekoracija(creśe ili ślag)  Valani te ovel amenge bitno koj ka ovel o personi kaske  ka bahtara o Happy Birthday,  O gađe  vakerena ,,Памет во глава” te ćhiva naj ani godi thaj nikana te na povtorina o ista greśke numa olendar  tella pouka hem te sikhlova.
Odoleske ko agor te bahtarav Happy Birthday sa odolenge tajsa(sabota) so isi olen bijando dive,,Bahtalipnaja thaj Ajirlija”.

(O piśiphe kergum ole ano dijalekti savo maj but halovena ole e Roma tar Makedonija-Skopje sostar akava pišhibe maj but sine namenimo olenge,O avdisutno pishinipe tano avrik tar ureduvacka politika e portaleski Roma Press)

Sevgul A.