Ano avdisutno intervju keraja lafi e rajoja m-r, Orhan Jasarevski, phanle bash i kultura, teatar, ćhib thaj aver.
* Shaj li maj anglal te vakera e drabarutnenge koj tano o Orhan Jasharevski?
– O Orhan Duroskoro Jasharovski tano romano tari dis Kumanovo kova so sineles bah ko 1999 –to bersh te agorisarel ki Bugarija akteri, thaj piri sikavni panda duj bersha te magistririnel rezija pasho teatro thaj filmi.
* Savi buti ano akava momenti kerela o Jasharevski?
– Ko akava momenti si kotor taro nacionalno ustanova centar bashi kultura “Trajko Prokopiev” ko theatro Kumanovo, ama na sar akteri ili reziseri nego marketing thaj odnosi so javnosta.
* Manus savo peske thaj butenge vakerela o Teatar tano leskoro than djivdipnaske, Soske?
– Sa okola kola so pendzarena man thaj sinelen shajdipe te keren buti mancar dzanena so si mange o theater, na garavava thaj na ladzava te vakerav kaj naj baro miro mangipa si o theatro.
Thaj na sijum samo me isi avera da sar mande.
Savo paradoksi me agoringjum ki Bugarsko chip mo kolega o Dzengizi ki chibanikani chip,I Sanela thaj i Emra ki gadzikani chip, a isi thaj jek nevi romani chaj taro Kocani i Igbala oj dujto bersh tani ko fdu ki khorani chib, ni jek amender…. NA ki ROMANI chib SOSKE???
*Kobor i politika kerela bashi vazdipe o Romano Teatar?
– I Romani politika khanci na kerela na samo pasho theater a em e kulturake. Ka citirinav jek gndipa taro bare manusha:
Koga ko vakti maribaskoro napadingje o London, o Cercili kedinga sa pire bare manushen thaj puclja len, sar te araken love pashi o mariba te shaj te odbraninen i phuv? Jek taro ministerija vakergja, o love tari kultura te prenasocinenpes ko fondi maribaske te shaj odbraninen i phuv. Thaj o Cercili vakerel: A ako keraja adava SO KA BRANINA.
* isi amen informacija aktivno kerena buti thaj ko nvo- sektori, o aktiviteti panlo e kulturaja jali aver?
– I Kultura si uslovi bizo savo o manush nashti te ovel manush.
Akate na mislinava(gndinava) samo ko umetnost a ki kultura dzivdipaskiri. Ako frdaja adava sar na-bitno, ako e sikavnen manushen tretirinaja sar na-bitna, a adava si amende obicaj kaj o sikavne manisha si diline ki smisla-soske te sikljove koga shaj em agjaarte-ko dzandipa ko shtosi, ko vici ki ajgara, shaj te dzivdina, a tu akana dzaja thaj sikljoveja disavi sikavni?
Adava si bilaco generalno ki amari kultura. I ljobomora, naresiba ki empatija thaj keriba gajreti. Adaleske o Romano Kulturno Centar “CIRIKJA” kerela buti samo ki kultura.
* Premal tute koj kerga maj but bash vazdipe o Teatro maskar ko Roma thaj avera?
– Nijek. Adava i diskutabilno ako pucena man ko amaterija oja isi anava kola so namangava te sponeninav len, soske sa kergje pe dzepenge. So muklje ili acavgje pala ki peste???
* Soske ko sahno intervju vakerena kaj maj but kergen buti e teatroja Roma(Skopje) avera na angaziringetut ili?
– Oja ko ,,Teatar Roma”kergjum najvishe buti sar Rom romenge,a avrijal tari amari phuv kergjum but ama adavi i mange na e Romenge na e nacijake (zalosno).
* Savo tuke najinteresno momenti ko teatar?
– Celo process si mange interesno ama naj,naj buter kana resaraja ki Premiera.
* Savo tuke o maj tragicno ili bilaco momenti ko teatar?
– Naj bilaco momenti tano adava so but manusha na kerena razlika taro amaterizam thaj profesionalizam. Man nae man nishto protiv o amaterizam, amaterizam sine taj mora te ovej. Thaj amen da o profesionalcija sijamsine prvo amaterija. Dzi kana ka ikala amare jakja?
Ako pravaja romani drama so sleduinela amenge sprema o ustav e drzavakoro dzanena li kozom rabotma thana ka oven?
Ko theatar nae samo cistaci thaj direktori!
Isi thaj scenska rabotnikija, kostimografija, scenografija,ispicientija, ton majstorija, svetlo majstorija, dramaturgija, producentija, akterija, reziserija thaj mate broinav panda.
.
* Sar paluno puchipe, kana shaj te doďjara tutar disavi premierno teatarsko izvedba?
– Akala divesa pocminaja jekh lil anavkerdo
,,LIL JEKE DELINESKORO” Duj masekonge sastipa planirinaja i premiera thaj ka oven mire misafirija. Koristinava akaja prilika ko agor sa amare Romenge prekal tumaro medium Roma Press te bahtarav sa e Romenge ,,BAHTALO O 8-TO APRIL” sastipe, mangipe thaj so pobut te kjera buti te araka amari chib romani, kultura, tradicija thaj sa o aver.
O Intervju kerga ole o Sevgul A. Ko lavkeribe misafireja m-r Orhan Jaśarevski.
07.04.2025 Roma Press
