Ko god , ko bilo savo nachin probinela te namalinel tire vrednostija, bashi odova so kereja, thaj ko adava so pakjaja talo duj mujalo. Ov obichno dikela ko savo bilo nachin te prigrabinel peske pobari vaznost. Nekobor berhsa rodava te analiizirinav i « romani buti».
Na pakjava kaj i jek nacionalno kupatni perdi dobor hipokrizia, thaj k’skanluko sar soj ki amari romani kupatni, anavkerdi sar «romani buti».
Me dzanava kaj but mle « virtuelno » thaj chache pendzarde dzi eratutne amala ka arakenpes ko akava kolumnakoro teksti.Iskreno bash dukhalama bashi lengere reakcije, bersencar sijum meta bashi lengoro bezobrazluko, akoshibe omalovazuvanje frdime upri mande bashi odova so vakerava thaj hramonava o chachipe .
Nishto nane chudno taro « shutkakere streberija »nit taro okola anavkerde shutkakere korkori anavkerde intelektualcija-skakulcija. Len na interesirinelalen nit o pozitivno nit o negativno nasochime kritike, ednostavno na sijan lengoro manush taro lengoro okruzuvanje kova so na doprininela bashi lengoro licno interesi.
Akaja kategorija shutkakere »intelektualcija » ili inteletkualcija skakulcija, spored mande tali najopasna kategorija manushikane predatorija, thaj nalazinenape ko najuco sindziri tari ishrana.
Dzabe lebaroshija, parazitija, krlezija, jek tikno zivotinsko carstvo ki Shutka koja so pretvoringela ki dzungla kote vazinela o zakoni e dzunglakoro.
Kozom ka koshtinelma akava so hramonava,thaj odova so isima ani godi, dzanava soske isima baro iskustvo ko sa akala bersha , sar hramonava bashi berabartuluko, manipulacija, barvalipe e romenge ko dumo jeke lafeja o chachipe.
O manush kova so hramonela o chachipa nashti ovela le chachutne amala.
Pa odoleske niked na ka shaj te ovav, ministeri, sherutno dizjakoro, jali presedniko. Na ka shaj dzakerava bashi mlo stili hramobaskoro te dobinav baro numero « like » iako delo taro mle objave isilen nacionalno romane storije.
Na sijum taro odola so mrzinena, pobut bi vakerava na mangava e »khulalen»licemerno sebichno manushen,manusha duj mujale, kola so o muj lengoro sar chorape bashi razlichito manifestacija.
Nasti mangava okolen so kuvena ma ki musi, a, pali mande randena miro grobo.
Lokeste pendzargovena pali lengiri mujali fasada, sar »dupeuvlakachi »kola so bashi jek status,prestizh ili interes ka han piro ‘izmet », ka bikinen piri bul,ka predajnen pire phrale, dade , amale…
Postoojnela jek opcija bashi hovavne duj mujale ili licemerno manusha , odoja opcija tali »block »,ali bashi but javera okolnostija, thaj sebepi javera bukja, poshukar neka achon dzi ko jek vreme.
Poshukar agjare , neka mislinen deka panda verujnavalen, deka sijum bakro kova so lesno strizinelape, a keda ka avel o vakti ,ednostavno avela i parola « Va te faire foutre »(dza k*tut).
Kolumnisti: Mozes Solomon ( Muhadjer Sulejman)
