Desinelape jek fenomeni ki Romani Politicko scena kote so palo nesavo izborno ciklus, but dzene nashavgjona taro teren, ka phene “kidnapirinela len” nekoj, slicno sar o Depay kova so kerela sine lomi ko Lion ama ki Barcelona nashavdilo.
Opasna tane o purane politicajra, na mukena e ternen te khuven ko teren(keda vec spremna psihicki hem fizicki)nego ikerena len ki klupa, zamislinena pes deka vodinena timi taro PSG,a ustvari nadzanena deka tane ki nesavi Selsko Liga kote so mestinena i utkamica, jek nedela angleder te khelelpes.
Nadzanena ili namangjena te dzanen? Shaj trebno nekoj te phenel lengje? Pa posle o NaRoma dena amengje gol taro Ofsajd, normalno ka den keda o sudije lengjere, o delegatija,hem i publika.
Akaja tani jek parabola e momentalno Politicko situacijaja ki akaja drzhava ,mangjlum samo te anav tumen popashe, kozom amen ka valjani te kera buti PRVO ko Romano Edinstvo, posle ko Romano pucibe. Keda nekoj 4 pratenikoncar drmingja celo drzhava, hem tresingja i Vlada, amen kaj sijem?
Amen na so sijem Politicki paralizirme, nego sijem politicki da Deziorentirime. Keda kerelapes lafi basho bitna Politichka prashanja ki drzhava, amen na vikinena, ni na puchena, dzanena deka nane amen vreme taro Khorane serije, ma te propushtina nesavi epizoda. Ama ako ka vikinen amen za 8mi April te phenen amengje kozom amen sijem mirno, corolo, unazadimo narodo, sar te phene nadzanaja odova?
30 Bersh shunaja isto gjili/dosadingjem amen vishe. Hem dzi kote javera kjarinena,amengje “BASH GALJE”poshto amengje i Politika tani sar Indisko Serija Bandini / jek scena 50 kadajra hem palem amengje interesno kozom i da baro periodi te khelel, sar so khelgja i Bandini 4 bersh.
Hem ki krajka ma te bistra amari poznato Romani Parola:
“Cutin be chaveja isi da poloshno,jek kotor maro te ikale shukari”..
Hramome tar
Mustafa Demirovski(Musto)
