Avdive ko thana e komunake Šuto Oriyari šhaj te vakerelpe kaj ničhanikergjape historikano dive. Dive kana taro avdive thaj đi but beršha pire avgo pire ko angleder edukacijakere pajna ka šhurakerenle o Romane thaj o javera čhave ki nevi pravdi Anglederedukacijakiri ustanova 8-to April.
Ko hem moderno standardija, moderno kujnaja, hem sovremeno staje thaj khelibaskere thana, uče kvalitetna kupatilija bašho čhavore kote so ka kerelpe tan arakhipnaske thaj bašho neve bijande čhave sa odova ka ovel ani nevi gradinka 8-to April e Komunakiri Šhuto Orizari.
Ko prajbe e gradinkakoro lele than o Dizjakoro Šherutno ki komuna Šhuto Orizari Kurto Dudušh- Kuco, o Ministeri bašho andrune bukja Oliver Spasovski, i Ministerka bašo trud thaj socijalno politika Mila Carovska, Ministeri bizo resori Muzafer sar thaj deputatija, konsilmenija taro komuna Šhuto Orizai thaj buj čhave thaj jerije so ale te sikhen i nevi pravdi anglederedukacijakiri ustanova.
Investitori ko keriba e Gradinkakoro si Norveshko gradibaskiri kompanija kola so pal peste e Komunake Šhuto Orizari thaj e tikne čhavorengje mukle barvalipa kova so beršhencar ka trubul te arakhelpes thaj ikherelpes .
Pobuter dikhen tar video savo kerga o timi kotar Roma Press
Hazri kerga: Erđan M. Neđmedin A-Roma Press
