I Romani asocijacija baši o novinarija RAN ostro reagirinela baši degradacija kova so sine javno vakerdo sar omalovažuvanje baši stručna sprema jali javera forme na omalovažuvanjee taro bilo kova gosti ko emisije taro romane portalija.
Voedno o RAN isto agjar reagirinela kaj sekova romano novinari bez razlika dali talo členi ja li na ki akaja asocijacija, dži kote kerela buti ko medium sar prezenteri, voditeli ja li istražuvačko novinari te ikerel o kodeks e novinarengoro ko smisol taro:
– te zapazinenpes o osnovna načelia taro novinrastvo,
– te ikerelpe o kodeksi baši profesionalno vodibe emisije ko rang e gostoske bizo degradiribe, thaj te ikerelpe respekti prema leste,
– te rodelpes faktičko sostojbe bizo te navlezina ko bi argumentirime rekla kazala,
– te denpes objektivno informacije bizo te navlezinelpe ko privatnost e gostenge,
– te delpe kozom tej profesionalno objasnuvanje baši odredeno tema,
– te delpe e gostoske vreme em prilika te braninelpe dži kote isi prostor thaj te del objasnuvanje baši odredno buti koja so tali tema ko razgovor.
Bizi diferencija o RAN bez razlika dali neko talo členi ja li na sekogaš ka bešel ki zaštita okole mediumenge kola so objektivno informirinena, em ikerenape ko novinarsko kodeksi thaj tari javer strana vi agjar daja arka baši sloboda na govor em izrazuvane no ko ramke taro novinarsko kodeksi.
O členija kola so si kotor taro RAN, palo lengere mediumia bešena novinarsko asocijacije kola so dena len pravna pomoš dži kote slučinelape pritisok, potkup thaj aktivnostija kola so kosinenape e noviransko kodekseja.
Palo o mediumija „Roma Press“ thaj „24 vakti“ kola so si kotor tari akaja asocijacija bešena o ZNM ( Združenie na novinari na Makedonija) thaj palo ko EU Roma press o Mediterane press 06.
Voedno blagodarinaja baši reakcija tari Avaja koja so havljarga kaj si protiv bilo savo napad upreder o romane mediumija, no so zabeleška kaj i RAN indiciringja napad upreder jek romano mediumi, kova so prekršingja o pravilija taro novinarsko kodeks ,a kova so nane členi ko RAN.
Hazri kerga: RAN-Romani Asocijacija Novinarengi.
