Ki šutka pirela na penđardo vordon ki mangin te len potikore čavoren

330

O Paluno čhon  ki komuna Šuto Orizari šungovena informacije mangin baši čhoriba tikore čavoren, numa akanasaske e manuša thane na penđarde  thaj na đjanelapessi-li von raštralutne Makedonijake.

Ki avdisutni havlarin savi resarga đji amende, vakerindor  jek Romano jeri save haricaske ka oven sas viktimimaja  tari jek asavki čipota,  kana mangle te čiven e tikore čhaja J.M andre ko pumaro vordon, vakerela anglal amari kamera i daj e tikore čajakiri Đ.M.

Numa  akala vakeribe tane salde  tari rig akale jerijeskere, aso averada  Romane jerije vakerena so isi asavke na penđarde vordona save pirena ki komuna Šuto Orizari thaj kuvena ko adala thana savende araklagovena jerije save tane phare Socijalnikane haleja.

Ko telefonsko lafi keriba  đji policijakiri trafika  Čair-Butel, denge amen informacija  đji ko akava momento ki lende na resarga prijava asavki čipota taro dizutne  e Komunakere Š.O.

Vakerdo sas amenge anglal o nevo berš sas jek vakeripe asavko  baši na penđardo kombi vordon savo bešela angli siklane thaj akharela tikore čaven, numa pali policijakiri patrola ko akava than pobuter  adava kombi na sas  diklo ko adala thana.

Policijako vastakerutne vakerena e đihanija, kana isilen asavke informacie amen bešaja olenge puterde te aven đji amende thaj te den amen info, te šhaj amen sigo keraja reakcia thaj astaraja e asavke manušen.

 

Ake o video so vakerga i Daj  J.M taro drom Pelagonija Šuto Orizari

Hazri kerga: Neđmedin A.-Roma Press

 

2 Attachments