Pali o havlardo Islamsko koncerti prekal o portali Roma Press, ko šukar nivelo agorkergapes o eratutne due arengoro aktiviteti tari Organizacija ,,Kham Sijan“-Skopje thaj tari group ,,Qamerun“ ko kher taro ARM, aso sar medijakoro učharipe e saste aktiviteteske sas i timi taro Romano portali ,,ROMA PRESS”.
Pali o but bilačo vakti so sas ko Skopje bare biršima thaj bavlala na sine sebepi odova I publika te avel ko baro numero ko akava aktiviteti.
Group Qamerun ko duj arengiri programa na mukla e misafiren (publika) save sas upreder (600) manuša ko ni jek dakiko te na ačovel olengiri sama(vnimanie) olengere šukar islamsko gilensar taro šukar vokalsko gilavibe taro Erđan Memedov, savo akava fori sikavga ki scena kaj leskoro gilavipe resarela ko but učo profesionalno buti keripe. Šukar scenakoro performansi, thaj sasto gilajbe taro ,,Qamerun” sas ikerdo telo o vas e šukar maestroske Rahman Krueziu thaj ki gitara o penđardo solisti Ajnur.
Baro hošipe kerge e organizacijake ,, Kham Sijan” thaj ,,Qamerun” o avibe taro prestavnikoja tare politikaki umal, maškar ko misafirija lela than o Šerutno tari komuna Šuto Orizari Kurto Duduš – Kuco, Deputati Samka Ibraimovski, Ministeri tari aktuelno Rađji ki Makedonija Aksel Ahmedovski, Milazim Sakip, prestavnikoja taro pakavutne kedina o Hođa Ali Berat, misafiri tari Bujanovac Hođa Ali, Hođa Severđan, Hođa Ferki Demirovski, Hođa Omer Haziri thaj o Hođa Omeri.
Ko sasto aktiviteti maškar o Ilahie sas thaj dendo taro penđarutne hođija te drabarelpes o Kur ani thaj tikne nasihatija (ilamska pouke) te šaj te ačavelpes i sama e đihanengiri save sas sar publika, numa thaj okola save dikle amen prekal o Roma Press.
Anglal ko agor dengapes Šukrin keribe tari Organizacija ,, Kham Sijan “ thaj ,,Qamerun” odova šajdipe dengem te nakhel taro vas e prestavnikonge taro menađersko timi o Muameti thaj o Halimi, O Šukrin keribe (blagodarnice) dengapes e manušenge save maj but denge dumo te ikergovel akaja manifestacija ko jek jek asavko učho nivelo.
Pali o havlaribe ki akaja manifestacija so dengapes šajdipe, savore koj ka kamel te den pumari sadaka (dobrovolno love ) baši o tikno Bato odova kerge, Aso amen sar so havlargem baši objektivno gejnibe o love kerdilo prekal o live. Aso o gejnibe o love kerdili prekal realizacija taro Hođjija save sas misafirija ki akaja čipota, thaj ki akaja sadaka kedingapes upreder štaršela euro.
Hazri kerga:Neđmedin Abdula, Safet Rašid thaj Bežika Asan.
