Avdive pelargapes o famozno pazareskoro duvari (zido) kaske o palune divesa maj but kerelapes lafi ano socijalna mreže numa hem maškar e manuša.
Baśh akava objekti savo trubul te kerelpes ano purano than e pazaresko ko Śuto Orizari, o kinobikinipe thavdinga maškar o Ferat Asan thaj o biznismeni Ferki Demirovski.
Ano akava than valani te ovel kerdo moderno objekti savo ka akarelpes,, AMARO MALL”, Numa akala dive aktueliringapes o problemi so ovela e Romencar save bikinena ano ploštadi e šutkake, e pazarđie prepele ani gajla kana šunge so peravelapes o zido thaj rodelapes olendar te na ikloven ko bikinipe.
Naoficijalno resaraja ano informacie so kerlapes lafi baš pobuvlo astaripe e objekteske thaj odova sebepi valani te pelarelpes o zido, numa akava ka ovel salde tikoro vakti dji kaj počminelapes o andrune buka tar objekti pal odova e roma ka iranenpes ko bikinipe ano ploštad, numa akala ačovena sar naoficijalna informacie sostar o plośtad preperela ko državno zemjiśte.
Akava pučhipe ačhola puterdo anglal bilo so te špekulirinelpes tar avera informacie save na preperena ko šero tar investitori, numa ka đjakera te vakerel o vakti.
Bašh pobuvle informacie ano sakova momenti uđjaraja te del amen vahtavi(izjava)baśh Roma Press o investitori Ferki Demirovski.
Hazri kerga: Roma Press.
