Sar so vakerena pobuter riga(strane) panda tar erati agorkergapes(zavrśingapes) o pobuter kontaktija kerde baśh o đi eratutno problemi baśh o javno prevoz ko JSP.
Avdive prekal amare informacie save dikhlem olen panda javinako(sabahesko) dikhlem so pohari normalizirinelapes o prevoz thaj thavdela sar so sine o buthi kheripe tar duj linie 19 thaj o numero 20 save dromarinena e Komunaja Śuto Orizari.
Numa nane agorkerdo o problemi e na korektno odnesibnasko tar śoferija posebno e Romencar patnikoja, nane menimo o prevoz hari mukibnaja po laćhe thaj ispravna busija ki gnd (smisla) te na oven but purane, melale thaj pagerde busija save ka dromarinen ko Šuto Orizari thaj tribuj khoni te kherel olenge kontrola baśh olengoro ispravnost sar busija.
Na trubuj akate te kerelpes bari politika but normalno tano o gndipe sostar o fijati(cena) savo pukinenala sa o avera dizutne tar i dis Skopje agaar pukinena hem o Roma tar Śuto Orizari, sostar trubuj ani dis thaj duri ano gava te mukhenpes po laćhe thaj neve busija a salde ko Śuto Orizari valani te vrtinen o maj bilaće thaj but privatna busija?
Odoleske akatar bićhalaja o mesažo đji savore save śhaj ovena involvirime panda hari te den zori te śhaj astarenapes ko asavke realna thaj slikovita problemija bi te keren baro politikano marketing, sostar so sakova jekh odova dikhelale pere jakencar so kerlapes kana o pućhipe tano o Śuto Orizari thaj odoleske verovatno na valani te ovelen ja te ovel amen but bari bilači jakengiri dioptrija(na sijem korole) te dika sa so ovela anglo amare phravde jakha.
Roma Press
