Pali o vazdipe o pučiba e limoresko tari Esma Ređepova, tari rig e Romane vebtv portaleskro Roma Pres, sijam sine savore viktimija (svedokija), taro tadani tavdinga seriozno te dikelpes ko akava problem soske čačibnaske amenge sar Romano portal sas lađj, kana ka ove ko limorija Skopje, aso te dikhe asavke bare manušesko limori ko asavko čhane.
Numa odova nane odoborom importattno soske čačibnaske vi amari buti tani odoleske ko čačuno vakti sakana te reagirina thaj odolestar, odola save tane kašuke te keren disavi reakcija.
Numa pali sa akava sas but reakcie, taro medie, nvo, politikane prestavnikoja thaj sa e avera riga save kamle te den arka ko akava na šukar rezultati savo ačhilo pobuter taro duj berš, harne vakteske resarga ki šukar agorkerdi buti?
Amenge sar reakcija sas na halovibaske kana šungem so mangla lakoro lendo thaj araklo čavo Simeon, savi sinele mangin te lačharel lakoro limori, numa leske odova na sas muklo taro lakoro po paše jeri (familija).
Avere rigatar sas informacija đji amende, taro Esmakiri familija save ola đjakerena te agorkerel e adelateskkro procesi ola pali odova mangle te atsarenpes ki buti hem ko lakoro limori thaj, ko sa adava so sas ačavdo tari Esma ReđepovaT.
Sas thaj na oficijlano informacie ko lačharibe e limoreske hemimo thaj o Bičaldo Amdi Bajram saveske i familija tari Esma, ko socijlana mreže vakerge: Amdi bajram nakla but eftino, amen manglem te kera but po lačho limori – numa na sas amenge odova muklo.
Pali vazdipe po bare seriozna aritikloja ko sa e medije, maj palal salde jeke kurkeske i Rađji tari Republika Makedonija ko maj sigo vakti lačharga o limori e Esmakoro ko than kote si voj pašli.
Numa akana ađjikerelapes sar ka agorkerel o sasto adelateskkro procesi, maškar ki familija, i raštra thaj olakere čave, numa ko agor ka ikerenpes sar prioritetna dokumentija lakere duj testamentija.
