Baš o liste deputatenge,,Alosaribe 2020″ ani Republika Utarali Makedonija erati sas o paluno dive dejbaske pumare liste đi ani alosaribnaski komisija DIK.
Naoficijalbo resarge đi amende informacie aso o palune dive thaj i nevi registririmi Romani partija NPR denga piri patrin(lista) vi o Presidenti Gege Demirovski.
Aso i partija NPR e Roma lake đjange maj aktuelno anglal 6 čhona kana khedela sas hramutne tar dizutne registriribnaske i partija, thaj voj poro rešenie sar politikano subjekti lendo si anglal te tavden o Alosaribe ani Makedonija.
Akanasaske naoficijalno vakerlapes akaja partija ano alosaribe đjala naikerimale(nezavisno) thaj sar naikerimali ka rodel i pakiv tar Romane đihanija tar alosaribnaski edinica(kotor) 2 ano avutne Alosaribe save trubul te ikergoven ano 12 aprilo.
I partija poro angluno pro kerga, aso akana ka đjakerelpes tar DIK o paluno lafi mukibnaske akaja lista te araklagovel ano avutne alosaribe 2020 berš.
Roma Press-N.A.
