Nekobor čhona o Romapress phirela pali o aktivitetija e Šutkakere thaj mangela te đjanel pe kaste i doš so jekvar našti čhivelapes agor e bare deponijensar thaj bare gunojoja, but fori šungem thaj diklem kaj sakana dočhivelapes i doš(krivica)thani ki komuna Šuto Orizari nane redovnikane nakjibe taro bukarne, nane kontenejra nane kante gunoenge (gubreske), aso o informacije tari komuna thaj e manuša save dikhena ko tereni piri buti svako dive dikelapes so o maj baro gunoj thaj maj baro gubre ikalelapes tari Šutka, i tadani pučelapes o korkoro manuš si li amende doš(krivica) ko korkoro manusha.
Doperelapes o pučhibe kana šaj i amen nekana te ova korkoro kritikane pe amenge sar manuša save đivdinaja ki komuna Šuto Orizari, kana dikaja angli amare jaka so svako dive svako drom o tikore kamionija save tane telal vastakeriba e komunake avena đji amare khera thaj kedena o gunoja, numa so keraja kana isi amen aver gubre, thaj sar manuša kedajalile anglo amare vudara thaj te đjakera salde jek dive te nakel pal pale thaj te len amare kerendar o gunoja jali amenge maj lokhe kana ka nakhel o dive te avel i rakh te đja te frda o gunoj kote ka ovel amenge maj lokhe.
Avdisutne foto prezentiribe tari amari rig sikavagovela amenge ki praktika aso i komuna thaj lakere bukarne isilen mehanizacija thaj isiln mangin te dika i Šutka sako dive sar soj avdive, numa bašh jek asavki čisto komuna valani te da vi amari arka sar manuša save đjivdinaja ko Šuto Orizari te araka amen ko čhudibe so ka perel amenge ko vasta maj lokhe te mukale ko drom.
E Šutkako šerutno Kurto Duduš barabare e lokalnikane konsileskere (sovetnikija) manušensar svako dive dena piri akharin bašh pošukar thaj čisto Šutka, numa thaj nekobor fori sijem viktimija (svedokija) E Romane prestavnikoja tare dizjake konsileskere (sovetnikija)manuša bičhalena akharina sar te arakelpes mehanizmo te čhivelpes agor e bare deponijensar ki komuna Šuto Orizari. 
