Bahtarin baš raštrakoro biđuko 23 Oktomvri tar Presidenti e par5ijako VMRO DPMNE Hristijan Mickovski..

Дозволете во мое лично име и во име на членовите на ВМРО-ДПМНЕ, на граѓаните на Република Македонија да им го честитам празникот 23-ти Октомври- Денот на македонската револуционерна борба, ова денеска преку честитка до сите граѓани го истакна лидерот на ВМРО-ДПМНЕ Христијан Мицкоски.

-Таа борба која ја почнале Груев, Татарчев, Поп Арсов, Хаџи Николов, Димитров и Батанџиев била водена од искрената и чиста цел за слободна Македонска држава и таа борба низ годините била водилка на илјадниците македонски револуционери кои живееле и умирале за Македонија. 23-ти Октомври е темелот на кој се надоврзуваа Илинденската епопеја и Крушевската Република, Народноослободителната борба и АСНОМ, но и 8-ми Септември и независна Република Македонија. Истрајноста на тој идеал за слобода и еднаквост 126 години покажува дека овој народ и оваа држава негувале и ќе негуваат европски и цивилизациски вредности и сите ние на тоа треба да се гордееме и да продолжиме да го градиме, рече Мицкоски.

Тој додава дека наша обврска како народ е да ја продолжиме оваа борба не само како спомен на нашите предци, туку и како завет за идните генерации. Само со труд, постојанство и обнова можеме да бидеме сигурни дека Македонија ќе чекори кон напредокот и успесите, наместо поразите и уназадувањето.

-Македонија ја чекаат предизвици, но и подобри времиња. Како никогаш порано судбината на нашата земја е во рацете на нашиот народ, а јас силно и цврсто верувам дека обновата ќе дојде. Нека е честит празникот. Нека е вечна борбата за Македонија. Нека е жива Македонија, додаде Мицкоски.

Bahtarin tar Presidenti e themako Stevo Pendarovski baš o raštrako biđuko 23 Oktomvri..

126 години со формирањето на Македонската револуционерна организација беа удрени темелите на организираната револуционерна борба за слобода и за создавање независна македонска држава. Беа потребни години на непрекината борба, страдања, хероизам и непокор, беа потребни Илинден 1903 и АСНОМ 1944, Референдумот на 8 септември 1991 за конечно да создадеме држава. Ние, денешните генерации, ги уживаме резултатите на револуционерната борба ‒ живееме во слобода, во своја самостојна држава.

Ова го истакнува претседателот Стево Пендаровски во честитката што ја упати до граѓаните по повод 23 Октомври – Денот на Mакедонската револуционерна борба.
-Секое време носи можности и искушенија. Секоја генерација има свои предизвици и цели. Нашиот предизвик е да ја направиме Република Северна Македонија просперитетна и почитувана, демократска и модерна. За тоа ни треба толеранција во меѓусебните односи, почит за другите, одговорност кон заедницата, грижа за животната средина и помагањето на ближните. Ни треба сплотеност без разлика на етничка, верска, политичка или каква било припадност.

Не смеат да нè обесхрабруваат никакви пречки и премрежија. Го знаеме својот пат и на тој пат продолжуваме заедно.

Нека ни е честит 23 Oктомври!, пишува Пендаровски во честитката.

Bahtalin bičhaldi tar Predsidenti e Khedipnasko ani Utarali Makedonija Talat Đaferi..

Почитувани граѓани, дозволете ми, од свое лично име и од името на пратениците на Собранието на Република Северна Македонија да ви го честитам 23 Октомври, Денот на македонската револуционерна борба.

Ви посакувам денешниот ден да го поминете во убава атмосфера, опкружени со вашите блиски. Овој државен празник кој споменува дел од историјата на Република Северна Македонија во нејзиниот вековен стремеж за ослободување и самостојност, нека не потсети на секојдневните битки кои ги водиме за градење на силна и успешна држава, држава која на сите ќе им понуди подобар живот и еднакви можности.

Драги граѓани – Честит празник !

Hazri kerga: Roma Press