Ko teluno hramovipe, keraja tumenge jek kotor tikori analiza sar nakhla o eratuno alosaribnasko dive ko Šuto Orizari.
Birimo o sovet 19 konsilerija, aso śerutneske ka djanelpes pali dujto rota alosaribna, thaj o dujto kotor ka thavdel maskar ko Kurto Dudus tari partija Unija e Romengiri, thaj o Erdjan Demir tari koalicija VMRO- DPMNE.
———
Изборниот ден во рамки на локалните избори 2025 е зад нас. Според нашите теренски согледувања и бројни јавувања од граѓаните, изборите генерално поминаа во фер, демократска и мирна атмосфера, со високо ниво на ангажираност, но сепак не без одредени нерегуларности, на кои нашите гледачи укажаа во текот на целодневната програма„Отворено студио“.
Roma Press како медиум беше активен сведок на сите случувања во текот на целиот ден, информирајќи објективно и навремено, во реално време.
Во Шуто Оризари се натпреваруваа 7 кандидати за градоначалник и 9 советнички листи, при што беа избрани 19 членови на Советот. Според официјалните податоци, распределбата на мандати е следен:
– НAИ – 4 мандати
– Коалиција ВЛЕН – 4 мандати
– ВМРО-ДПМНЕ – 4 мандати
– Унија на Роми – 4 мандати
– СРМ – 2 мандати
– ДСР – 1 мандат
Во трката за градоначалник, најмногу гласови освоија:
– Курто Дудуш – 3.223 гласа
– Ерџан Демир – 1.841 глас
Имено,тоа значи дека општина Шуто Оризари оди во втор изборен круг, каде граѓаните повторно ќе имаат можност да го изберат својот градоначалник.
Покрај изборите во Шуто Оризари, Roma Press редовно информираше и за ромските кандидати кои освоија советнички мандати во други општини, со што уште еднаш се потврдува активното учество на ромската заедница во демократските процеси.
Им посакуваме успех на сите новоизбрани претставници, со надеж дека нивната работа ќе се води од интересите на граѓаните и ќе донесе вистински промени на локално ниво.
Roma Press– секогаш со народот, секогаш први со вестите!
Hazri kerga: Sevgul A.
