Iranaja amaro gndipe, ko Guneš Mustafa- Guno, savo maśkar ko Roma tano pindjardo o avguno askeri bash o hakaja e Romengere, intelektualco, vizioneri bash i Romani kedin. Oleskiri mangin sakana sine jek dive e Romen te dikhel jekhajek sa e avere zaednicencar.
Iranaja amaro gndipe ko Guno, savo puterga o avgo teataresko kher Student, saveste kreirinelapes thaj bajrarelapes sine i Romani chib, kultura, tradicija, gilji thaj sa e kulturako baravlipe. Guno, ovel djeno ki avguni politicko partija PCER, thaj pali adava sa okola partie save registririnepe sar politicka subjketija. O Guno kerla hem i avgo generacija ki redkacija MRTV, pallo adava putrela o avgo privatno romano radio ,,Šutka”, pa Šutel, radio Roma aso palo adava lokalno media ,,Roma Fer”.
But hari śhaj sa te hramona odova so kerga o Guno, sar aktivisti bash pi romani kedin ko maj pharo vakti e Romengoro.
Teleder drabaren ki makedonikani chib.
Ѓунеш Мустафа, меѓу Ромите познат како Гуно, беше еден од најзначајните интелектуалци, активисти и визионери на ромската заедница во Македонија. Човек со големо срце, силен карактер и јасна визија, тој целиот свој живот го посвети на афирмацијата, унапредувањето и достоинственото претставување на Ромите во општеството.
Имено се сеќаваме кога во најтешките периоди за ромската заедница, Гуно беше меѓу оние што храбро ги промовираа вредностите на ромската култура, образование, демократија и политичко учество. Уште во 1990-тите години, кога малкумина веруваа дека Ромите можат организирано да се изборат за своето место во општеството, Ѓунеш Мустафа ја вложи својата енергија, знаење и ентузијазам во создавање на ново светло за идните генерации.
Еден од неговите први и најзначајни чекори беше основањето на театарот „Студент“, преку кој се промовираа ромската култура, пишаниот збор и театарската уметност како врвни вредности. Преку оваа иницијатива, многу млади Роми добија можност да го развиваат својот талент и да ја зајакнат сопствената културна самосвест.
Гуно беше и еден од првите активни учесници во политичкото организирање на Ромите. Тој имаше значајна улога во формирањето и активностите на првата ромска политичка партија – ПЦЕР, предводена од Фаик Абди. Подоцна активно соработуваше со речиси сите ромски политички субјекти во државата, секогаш воден од идејата за заеднички напредок и единство.
Посебен придонес даде и во локалната самоуправа, учествувајќи во создавањето на првиот состав на Советот на Општина Шуто Оризари, во периодот на првиот ромски градоначалник Неждет Мустафа. Во тој историски период, заедно се отворија и вратите на Македонската радио-телевизија, каде што беше создадена првата генерација ромски новинари и уредници. Во тој процес свој придонес дадоа личности како Нездет Мустафа, Ѓунер Абдула, Демир Хусеин, Оскар Мамут,Лјатиф, Перијан, Бенита, Мануела, Северџан и многу други.
Ѓунеш Мустафа беше и првиот организатор на приватното радио „Шутка“, а подоцна и на телевизијата „ТВ Рома“, која со текот на времето прерасна во „Рома Фер“. Со тоа, тој постави темели на современото ромско медиумско изразување во Македонија.
Неговото културно и политичко дејствување создаде цела плејада на млади интелектуалци, активисти и патриоти, посветени на подигањето на гласот на Ромите и на промоцијата на демократските вредности.
Незаборавениот Гуно останува во сеќавањата како човек од збор, искрен пријател и народен човек. Неговата посветеност, принципиелност и љубов кон својот народ го направија пример за генерации.
За жал, Ѓунеш Мустафа замина прерано – во време кога неговото искуство, мудрост и енергија и беа најпотребни на ромската заедница.
Неговото дело останува трајно врежано во историјата на Ромите во Македонија. Гуно не беше само активист туку тој беше гласноговорник, светилник, визионер, и еден од темелите на современото ромско движење.
Ова е само мал дел од сеќавањата и активностите што Ѓунеш Мустафа ги реализираше во интерес на ромската заедница.
👉RIP- inśallah Ðenneti🤲🏻.
Hazri kerga: Roma Press
