Avdive ko thana e Fundavno Sikljovnakoro “Prajla Ramiz thaj Hamid” šurskergja o avgo sikljojbaskoro dive bašho upreder taro 100 Romane a ga sikle.
Avdive sine o dive kana sa o sikle penđargjepe pire sikavnencar hem lele o thana e bešibaskere ko pe neve sikljovna kolenge ka nakhaven o avga 5 berša tsro piro sikljoviba.
Ko avgo dive e sikljojbsskoro lele than but jerije e avgo siklengere kola so sine čhale so doresle pire čhaven te dikhenlen sar cidena ko drom e edukacijskoro.
Sar o šherutno e siklanakoro Alvin agar thaj o sasto siklanakoro timi mangle sukcesivno starti e čavenge.
Maškar lende sine thaj o dizjakoro šerutno Kurto Dudush Kuco kova so ko piro lafikeriba andinja so ola sar komuna dengje arkaa ko dogradiba e siklanskoro ko nskhle 3 čhon sa resarinija o sikle te osetinenpe pošukar ko pire thana e edukacijskere.
Trujal so o dizjako šerutno manglja lenge sukcesivno starti, ov pire timeja e siklengje ulagja edukacijakete materijalija ko so ka oven taro kulandipa e avgo sikljenge Roma ko olengoro educiriba.
O udara e komunakere si pravde sekole jerijske kova so leskoro čavo ka ovel le bilo savo problemi ko oleskoro educiriba, dengja mesaži o dizjskoro šerutno.
Thaj dzikana o avga sikle zapendjarge pire sikavnen o avgo siklanskoro zvoni zvoningjs thaj sarine bahtae khugje ko pe staje thaj šurakergje piro avgo dive ki sikljovni.
Hazri kerga: Erđan M. Neđmedin A.-Roma Press
