Ko akava kurko ki socijalnikani mreza facebook tano aktuleno jek nasvalipe taro jek tikno maksmi Bato, savo na dikhela so duje jakhencar thaj arakloj leske o maj pharo nasvalipe ko jakha, thaj odolestar čare salde te kerelpes operativnikano astaripe ko jakha thaj te iranelpes akale tikne dušake o dikhipe ko jakha .
O maksmi savo akarenale Bato e asavke operacijake rodimoj olestar 82.000 milja evrija, as đji avdive kedimej tane 32.000 milja evrija, i operacija tani anavkerdi baši o 04 januari ki Švajcarija, aso o 03.12 čhon ola đjana ko hospitali.
Baši sa akaja čipota i paše familija thaj savore o đihanija save isilen šajdipe ki smetka šhaj mukena tumari lovengiri arka kobor resarela tumaro vas, te šaj sigate te agorkerelpes i operacija thaj te iranelpes o dikhipe akale čavesskoro.
O Romapress sar jek Romani media ačovela pali akaja incijativa ko sa o nivelo te del arka akale familija thaj e tikore čaveske so po sig te dikhale sasto thaj vesto.
