Panda kobor fori ka trubul te dujrarenpes e gunoja thaj e bare deponije ani komuna Šuto Orizari thaj te čhivelpes agor akale decenijake problemoske.
I komuna Šuto Orizari pere mehanizacijaja thaj bukarnensar akavada kurko kerge bari akcija bašh e gunoja kana đji olense resarga havlaribe thar i pošta nanipaske šarti bukako thar e bare deponije, Bukarno šefo thar komunalnikano sektori o rajo, Bucko S. Prekal poro Live ano facebok bičhavga bari tindal đji ko đihanija pobuter te na čhuden pere deponie ano akava than đji ki pošta, sostar ka resarel amen sar dizutne te na ovel amen pošta bičhalibnaske mesazoja numa hem pukinibaske o smetke thaj sa o aver servis savo preperela prekal e poštaki buti.
Numa kobor akava apelo ka ačhol valanutno maśkar e dizutne ka ačhol o vakti te vakerel, ka dikhali palpale e bare deponije duz ki pošta thaj ko pašipe e avlinake thar i đjamija Bilali Habiš.
Hazri kerga:Neđmedin A. Roma Press
