E dizutne tar Šuto Orizari ka ovenli olen mangin ikheribnaske o šukar reguliribe e soobrakaesko..

694

E paline dive prekal statusija thaj čivde mesažoja dikaja i mangin tar bukarne e Komunake Šuto Orizari sar kamena te keren šukar redo e dizutnenge thaj sa okola save kamena te đjivdinen ki šukar thaj moderno Šuto Orizari.

Pal sa adava so dikaja tavdindor thar čistibe thaj dujraribe e bare Deponie ani Komuna Šuto Orizari save nananela baro rezultati sostar panda e manuša našti halovena athar kotar so dujrarelapes i deponija pal pale na trubul te čhivelpes. Numa e sovesna dizutne vakerna našti jek kupa dizutnenge save kamena te đjuvdinen agaar sar so đjivdinena, sa amen te živina agaar sar ola so mangena odoleske olengoro apeli te arakenpes thaj te delpes olenge komunaki đeza(kazna).

Aso o sobrakaj savo sas šerutno problemi e dizutnenge tar akala dive dikaja so si ando prekal reguliripe odoleja so si čivde plastikake bejanija save tanende na tromal khoni te mukhel poro vordon.

Jekajek o Šerutno Kurto D.havlarga prekal poro fb.statusi so tavdinga te anel redo thaj baš o dukanija tar centar te dujraren pumare agaar improvizirime terase bikinibaske, odoleja ka lokharen o phiribe e manušengo tar trotoarija te šaj te na phiren ano šerutno drom thaj odoleja te anelpes soobrakajnikano pharipe.

Aso akala propozale save anenapes akala palune dive ani Komuna Šuto Orizari thane pozitivnikane selamime tar sa e dizutne ani Komuna Šuto Orizari.

Hazri kerga: Neđmedin A.- Roma Press