E Romane Muslimanska limorija akava kurko but aktuelna kho Socijalna mreže..Video
Akava kurko sar timi thar Roma Press, sine amen šajdipe te šuna thaj te dikha po buter hemime informacija bašh jekh kerdo live andre ko limorija save tanende si pašle mule Roma Muslimanija.
Numa maškar ko adava live buvleste gele o informacie so resarge đji odova kaj bašhi o bare čajra thaj na šukar ikeripe o Muslimanska Romane limorija save araklagovena telal firma A.D. Butel, thani došali (krivo) i komuna Šuto Orizari thaj olakoro šerutno Kurto D.
Đjakrgem te nakhel hari vakti te dika sar ka tavdel i sasti resarin, thaj isili čačipe bašh odova soj tani buti e firmaki Butel te lela upral peste i komuna Šuto Orizari sar došh thaj olakoro Šerutno. Numa na agorkerga agaar, tadani dikhaja jekh live sar kerga o Šerutno Kurto D. Vakeribnaja, Odoja buti nane telal i komuna Š.O. Numa amen akhe savorensar tumensar bešhaja ko jekh, thaj akharela sa e dizutnen ki jekh bari Humano akcija barabutne te čistinenpes e Romane limorija, numa bi te čhivelpes i došh (krivica) e Komunake, soske adaja buti thani thar o A.D. Butel.
Pali amari akharin, manglem te đjana pesostar kerlapes akaja akcija thaj rodingem vahtavi (izjava) thar Šerutno Kurto D. Ko avutne dakikija dikhen so vakerela anglal i kamera kotar o Roma Press bašhi akava aktiviteti.
Video …
Hazri kerga:Neđmedin A.-Roma Press
