Erati anglal Jacijako namazi kuvga ćor ani Đamija Bilal el habiśi-Dikhen Video..

934

Ano vakhti kana e Muslimanija araklagovena ano maj baro maseko tar Ramadan, vakhti kana e manusha so pobuter araklagovena ani thindal thaj komunikacija pere duhovnikane Devleja Allah, ani Komuna Śuto Orizari ani Djamija Bilal el Habiśi kerlapes materijalnikani śteta tar kuvibe andre pageripe o vudara thaj lejipe predmetoja save bare pharipnaja kinelalen o odbori akale djamijako.

Sigo o timi tar Roma Press pali resipe e informacijake sijem sine ani vizita e Djamijake thaj araklisalilem ano momenti kana araklisalile ko than o odbori e djamijako, Aso e Policijake bukarne kerna sine dikhlo (uvid) sar o ćor kerga akava bilacipe.
Dikhen o Live Stream savo kergemle tar o than e djamijako sa sebepeja te śhaj e dizutne e ćordikane bukija te na kinen olen tar manuś savo kerga akava bilacipe.
https://www.facebook.com/320037695410048/posts/947710535976091/

Pali o Live Stream amaro timi tar Roma Press kergem kontaktoe Śerutneja tar Komuna Šuto Orizari Kurto Dudus rodingem shajipe te dika tar arakavutne kamere e komunake save arakhena o paluno kotor e komunako, sostar vi atar dikhelapes o vlez jali e vudara tar i Djamija Bilal el Habiśi, baheske ane duj video snimke dikhhovela e ćora sar kuvena andre ani Djamija thaj sar ikhalena e lende predmetoja.

Pakhalapes tar video dikhovela o bedeni (telo) e manuśengo thaj ka del dumo e policijake te oven po sigo penđarde, thaj pakhalapes te kerga sigo reakcija i policija tadani but sig e lende predmetoja ka iranenpes palpale ani Đamija Bilal el Habiśhi ano Śuto Orizari.

hazri kerga Roma Press: Erdan M.Nedmedin A.