Generalka ano Śuto Orizari – Kurban Bajram tano dujto di(vtornik)

793

I Komuna Śuto Orizari pere mehanizacijaja personaleja thaj barabar olakoro Śerutno Kurto Duduś intezivno trin dive dujrarenapes  sa e bare deponie, gunoja, śutoja thaj sa odova so na valani te ovel agaar mukhlo ano javna thana ano Śuto Orizari.

Sar so sine amen śhajipe te dika akava kurko prekal o havlaribe thaj foto mesažoja ano socijalna mreže sijem viktimija svedokoja) aso o deponie nane  salde gubrija numa isi zoralo kherengoro śut  thaj odova mukhlo anglal o dvoro e kuvibnaske ani Djamija Bilal el Habiśhi, piro(ćekori) savo so kerena ole nasovesna dizitne maj but e manuśha save kerena transporti grastencar.

O Apeli tar Śerutno Kurto Duduś vakerela, lađavibnaske naneli sa akava kana o vakhti tano e nilajesko thaj kana sa amare paśutne tar evropa avena ko odmor ano pere khera ko Śuto Orizari, śhaj li jekvare te sikavamen śukar domakinija thaj arakavutne amare Komunakere. Apeli te araka ma te frda o deponie tanende savende ka ovel amenge maj lokhe, keren kontakti bukarnencar tar Komuna ola ka aven direktno ano tumare khera  thaj ka len tumare deponie thaj maj bari fuhal(zal) do bizi dar manuśa frdena pumare gunoja anglal devleskere thana sar soj o Đamie.

Baśh o avutno maj baro muslimansko biđjuko Kurban Bajram bićavgapes mesažo đji savore save ka ćhinen kurbanija panle e zarzavatencar, kože thaj sa e andrune organija bakrengere ja avera kurbanija isi odbeležime thana kote śhaj te anenpes te śhaj pali o čhinibe e kurbanengere te dujrarenpes tar adala thana odoleja te na khandel o Suto Orizari ani bilachi sun(khan).

Keren kontakto bukarnencar ma frden kote ka ovel tumenge maj lokhe..

Romalen te arakha adava soj tano amaro..

Hazri kerga:Roma Press