Ka dikamen ano adelati (sudo) – bičavga mezažo o Zoran Zaev

559

Paše jek ćhon dikaja prekal fb Live tar profili tar o Presidenti e partijako NPR Gege Demirovski sar sakova dive mukhela info tar marde manuša, sa sebepeja i doš chudela upral aktuelno Rađi Makedonijaki thavdindor tar Romane partie,romane medie,nvo thaj resarela đji ko premieri Zoran Zaev vakeribnaja bare sume tar kriminalija thaj doš peravipe ano olesko anav.

Baš akava sepepi opozicijake medie erati plasiringe panda jek informacija maškar i privatno komunikacija tar Gege thaj agaar vakerdo mesažo tar Zaev, ano mesažo vakerla o Zaev baš o Gege Demirovski ka dikamen ano sudo, baš sa adala naćačipe save vakerejalen thaj tere vakeribnaja rumineja o maškar đjivdipe tar etnikane zaednice save đjivdinena ani Makedonija.

Tar akava mesažo o Demirovski kerga Screen šot thaj o mesažo ulavga ole savorencar ano socijalna mesažoja aso maj but opozicijake medijencar.

Ano mesažo vakerlapes ka rodel poro pravo o Zaev prekal sudo, sostar o Gege đjanela ole personalno sar jek vakhti paše manuš leskoro saveja kerge but humana aktivitetija prekal o Gege lovencar tar Zaev direktno sar dumo e Romenge. Akava ćaćipe ka rodav te vakergol sa đjikote sijum đjivdo sostar konstruirineja hovavnipe thaj holi (omraza) maškar o dizutne, vakerga ano mesažo O Zoran Zaev.

Numa sijem viktimija (svedokoja) kaj jek asavki doš peravipe akava kurko sas mukhlo ano jek tar Gege Demirovski hem đji ko Aksel Ahmedovski, kaske vakerga kerdo si pronevera tar jek milioni evroja.

O Aktuelnost bajrovela tar akala čipote ano socijalna mreže numa maškar akala teme isi vazdime thaj baro na toleriribe maškar etnikane zaednice save pozicijake simpatizerija vakerna so nanaj čaćipe, aso opozicijake simpatizerija vakerena sa akava so vakerlapes tano o čačipe.

Đjakerelapes savo ka ovel o palunipe tar akaja čipota ka agorkerel halovibnaja ja palem ka đjanelpes o paluno čačipe prekal adelateske (sud) procesencar.

Roma Press- Havlaripe NPR