Khi Komuna Šuto Orizari nakhena o Alosaribe ko sansaralo thaj fer čhane

870

Ko duj siklane savende maj but numeroja thar Roma dena hango  ko Phrajla Ramiz thaj Hamid hem 26 juli, Akanasaske nakhela ko fer thaj sansaralo čhane o dive thar  alosaribe.

O timi thar Roma Press save kergem vizita ko duj škole na sine amenge diklo disave kupengoro hangoiba ja palem zorjakoro dejbe hango, ko so duj siklane nakhela o alosaribe bi disave incidentengo.

Ko lafi keribe thar vastalune legaribnaske e Alosaribe save denge amen info, so si panda tikno iklovibe e hangunengo save valani te iklon thaj te den poro hango kaske von mangena, akanasaske tano tikno o procenti thar iklovibe.

Numa savore vakerena o pobaro iklovibe đjakerena te ovel kokušlukoskere arija đjanidor e roma kerena maj but privatno buti thaj kana avena taro pere bukarne aktivitetija tadani masovno iklovena thaj anlarena ko than pumaro đihaneskoro hako.

O Timi thar Roma Press sasto vakti tane ko teren thaj ka del tumen info baši sa so resarela ko avdisutne Presidentska Alosaribe ki Makedonija.

Hazri kerga: Roma Press.