Kosova – Adikerdilo VI-to Alosaripasko Sombershipe e Yekuna Romana Partiyako

1032

Adikerdilo VI-to  Alosaripasko Sombershipe e Yekuna Romana Partiyako ani Kosova, 170 votyenca pro, niyek mamuy Vota thay 3 abstenipya rialosargyola palem o sheruno  e romana partiako Albert Kinolli. Ano Somnbershipe e Alosaripasko lele kotor  sa o delegatya kotar o sa 7 Kosovake Komune kote pe lugipe e Sombershipasko e sa  o sa  170 votyenca  pro alosargyola o akanutno deputeto e Kosovaka repoblikako  Kupatnako ano ayni vakti ini sheruno e PREBK partiyako .

Pe lugipe e vakeripasko o rayo Kinoli mothavgya vash o resipya kola kergaya akaya romani partia kote e Parlamentaruna Grupa 6+ reste te len yek proyekti e kobaripeya 2.5 milioyna euro vash sa o kom unitetya kote pe avipe si te vazhdingyon 50 khera e romane komuniteteske ano Prizren, Fush Kosova, Plemetina , Pekya thay aver.

O duyto proyekto si kay triunfinde sar PREBK partia  vash laqharipe e dromesko  ki romani mahala “Nevo jivdipe” e ko kobaripeya 150.00 mile euro, laqharipe e mahalako Yenimahala (Rexhep Karaqi ), vash laqharipe e piiraske paynesko, kalew payna, thay buhlaripe e kockenco e kobaripeya pe 95.000 mile euro phikoipe e Komunake kheresko ano Prizren .

E Ashutipeya kotar e organizacia TIKA si te renovingyol o Kulturako Kher ani Terzimahala e kobaripeya 12.00 mile euro berber e ministria vash Inovacia.

Rayo Kinoli dengya lafi so but sig e romani qhib si te ovel sevalutni qhib vash vastipe ini ani Prizrenoski Komuna, duy jene si te khuven pi buti ani Gracanicaki Komuna vash translatacia e romana qhibyatar pe albanyuni vay serbyuni qhip, thay 4-5 familiye e romane komuniteteske ki akaya komuna si te len stanya kola silen phare jivdipaske kondicie, Ashutipe vash phikoipe e siklarnenge vash e mashkaruni shkola pe deipe e bursyengo thay aver , a ini o azhutipe e dizunenge kotar o ponj ministrie kote simen deutnegodi kotar e partia PREBK.Akala sine o dende lafya e sheruneskepale alosardo bizo mamuy kandidati e PREBK Partiako.

Informipe Syleyman Elshani