Maj sužo Bakro Herdelezesko resarela ko Šuto Orizari ko 2-to Maj

907

E Roma pal  bare beršengiri tradicija  nišankerena o baro biđjuko anavkerdo Herdelezi, savo biđjuko beršensar but palala e Roma kernale bare ikeripnaja numa šerutne kas isi hari pobuter love čhinena thaj jekh bakhro.

But manuša mangena  o biđjukija Herdelezi thaj Gurgevdani te vakeren olenge so si jekh biđjuko numa, odova nane agaar, sostar e Herdelezi isile poro historijako nišankeribe thar jek aver kotor thar bare puvja, aso o Gurgevdan phanlo thano sar gađjikano biđuko numa  olende jekhipa isi olen salde so nišankerenapes ko jekh dive 6- to maj. Numa sakone bidjuko isiole pere adetija thaj na agorkerena ko jekh dive sar o Herdelezi ko 09 -to Maj.

Bašh akava isi Historijake lingvistoja thaj manuša save agorkerge edukacijako sikhlovipe kaske šhaj pobuter te keren lafi, numa bašh odova aver fori.

Akava berš ki komuna Šuto Orizari kerlapes lafi bašh pobuter thar 30 bakhre save anavkerde thane sar Šampionija, numa o čačipe vakergovela pali olengoro čhinibe thaj kana ka dikhelpes kobor isi ole khoni thaj mas, aso prioritetno te ovel po terno, te ovele harni bal thaj sužo muj.

Akaja tradicija ačhovela i ponodorig te ikerelpes thar Romano đihani, odoleja so anglal o biđjuko Herdelezi e Roma đjana ko hem bare thaj uče gava kaparirinena e bakren te šhaj te arakhen olen olenge đji ko avdisutno dive 2 -to Maj, aso pali odova đji khere legarenapes davulensar thaj zurlensar.

Hazri kerga:Neđmedin A.Roma Press